Ціханоўская: Колькі нас ні душаць рэпрэсіямі, ні палохаюць — мы з вамі працягваем упарта рабіць беларускую справу
Дэмакратычная лідарка адкрыла V Канферэнцыю беларусаў і беларусак свету.
1 мая ў Варшаве распачалася V Канферэнцыя беларусаў і беларусак свету Святлана Ціханоўская выступіла на адкрыцці з вітальнай прамовай, у якой падкрэсліла, што за гэтыя гады беларусы не толькі захавалі еднасць, але і навучыліся разам адказваць на новыя выклікі, паведамляе яе прэс-служба.
«На першай канферэнцыі беларусаў свету, больш за чатыры гады таму, нехта з удзельнікаў — магчыма, хтосьці з вас — падарыў мне маленькага анёлка ў бел-чырвона-белых колерах і сказаў: «Святлана, гэта такі талісман, які дапаможа нам усім вярнуцца дадому». Я працягваю яго захоўваць. Як і тады, так і цяпер я застаюся ўпэўненая, што мы ўсе абавязкова вернемся. Мы абавязкова давядзём да канца тую справу, якую разам з вамі распачалі. І ніхто і нішто не зможа нас на гэтым шляху спыніць».
«Гэтая канферэнцыя стала не толькі добрай традыцыяй, але і неабходнасцю. Гэта калектыўны мазгавы штурм, калі мы збіраемся разам, каб вырашыць найбольш вострыя праблемы, якія стаяць перад беларусамі замежжа. Наш рух, як жывы арганізм, развіваецца, узмацняецца. Змяняюцца знешнія абставіны — змяняемся і мы.
Колькі нас ні душаць рэпрэсіямі, ні палохаюць, ні спрабуюць разбурыць нашу еднасць — мы з вамі працягваем упарта рабіць сваю беларускую справу», — заключыла Святлана Ціханоўская.
Сачыць за канферэнцыяй можна тут:
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
Ваша справа, зрабіць альтэрнатыву сучаснаму беларускаму рэжыму! Вы ГЭТА зрабілі? Ці пад ВАШАЙ справай вы маеце на ўвазе галасіць на весь свет, што мы ахвяры? Вы вінны стаць лепшай альтэрнатывай рэжыму, вашага вяртання вінны чакаць у Беларусі з надзеяй на лепшы свет.