«Здзелка ёсць здзелка». Урсула фон дэр Ляен нагадала Трампу пра нядаўнюю гандлёвую дамову
Кіраўніца Еўракамісіі Урсула фон дэр Ляен пракаментавала нядаўнюю пагрозу Дональда Трампа павысіць мыты на еўрапейскія аўтамабілі, заявіўшы, што Еўрасаюз гатовы да любога развіцця падзей, піша Euronews.
Фон дэр Ляен падкрэсліла, што паміж Еўрасаюзам і ЗША ўжо ёсць дасягнутыя дамоўленасці, якія трэба выконваць, перадусім заключанае ў мінулым годзе ўжо з адміністрацыяй Трампа гандлёвае пагадненне:
«Здзелка ёсць здзелка, і мы яе заключылі. І сутнасць гэтай здзелкі — росквіт, агульныя правілы і надзейнасць», — заявіла фон дэр Ляен у аўторак у Арменіі.
Таму Еўрасаюз разлічвае на выкананне раней узгодненых дамоўленасцяў.
Раней Трамп прыгразіў павысіць тарыфы на аўтамабілі з ЕС з 15% да 25%, абвінаваціўшы Еўропу ў парушэнні дамоўленасцяў.
У адказ фон дэр Ляен адзначыла, што ў ЗША ёсць абмежаванні, якія не дазваляюць самастойна павялічваць мыты вышэй за пэўны ўзровень.
Яна таксама паведаміла, што ў ЕС знаходзіцца на завяршальнай стадыі рэалізацыі часткі гандлёвага пагаднення, якая прадугледжвае скасаванне тарыфаў на шэраг амерыканскіх тавараў. Адпаведны закон яшчэ разглядаецца ў Еўрапарламенце.
Еўрапейскі бок цяпер патрабуе ад Вашынгтона тлумачэнняў адносна новых пагроз і адначасова заяўляе, што гатовы адказаць у выпадку ўвядзення дадатковых мытаў.
Трамп абвясціў новую гандлёвую вайну Еўропе
«Значна больш за 5000». Трамп кажа, што Германію пакінуць куды больш амерыканскіх салдат, чым меркавалася
Трамп параіў Мерцу заняцца Украінай і Германіяй, а Стармеру — браць прыклад з Карла ІІІ
Як пагроза з боку Расіі зрабіла Германію вядучай вайсковай сілай Еўропы
У гарах Кыргызстана з дрона адшукалі целы зніклых беларускіх альпіністаў8
Каментары