У Беларускім дзяржаўным універсітэце паведамілі пра першы ў Беларусі зафіксаваны выпадак махлярства ў навуковай сферы, звязаны са стварэннем фальшывага сайта навуковага выдання.
Па словах дырэктара Фундаментальнай бібліятэкі БДУ Уладзіміра Кулажанкі, гаворка ідзе пра клон сайта часопіса «Часопіс Беларускага дзяржаўнага ўніверсітэта. Гісторыя». Зламыснікі стварылі інтэрнэт-рэсурс, які візуальна амаль поўнасцю паўтарае арыгінальны сайт, таму адрозніць падробку ад сапраўднага выдання вельмі складана.
Як гаворыць прадстаўнік універсітэта, фальшывы сайт дзейнічаў некалькі месяцаў. На ім былі размешчаныя сапраўдныя архівы навуковых артыкулаў за перыяд з 2017 года да сярэдзіны 2025-га, што павышала давер карыстальнікаў. Аднак усе матэрыялы, апублікаваныя пасля гэтага перыяду, ужо не з’яўляюцца сапраўднымі і лічацца скампраметаванымі.
Схема махлярства была разлічаная як на аўтараў, так і на навуковую супольнасць у цэлым. Аферысты маглі атрымліваць грошы за публікацыю матэрыялаў, а таксама прапаноўваць аўтарам «паслугі» па павышэнні цытаванасці. У тэорыі гэта магло нават прывесці да трапляння такіх артыкулаў у аўтарытэтныя міжнародныя базы даных, што стварае рызыкі для ўсёй сістэмы навуковых публікацый.
У БДУ падкрэсліваюць, што ўжо прымаюць меры для ліквідацыі падробленага рэсурсу. Навукоўцам і аўтарам рэкамендуюць уважліва правяраць адрасы сайтаў і карыстацца толькі афіцыйнымі крыніцамі, размешчанымі на парталах устаноў — заснавальнікаў выданняў.
У міліцыі мінчуку патлумачылі, што ён выконваў заданні махляроў. Але ён не паслухаў
Махляры абдурваюць пенсіянераў, абяцаючы выплаты да Дня перамогі
Мінчанка прыехала ў Гомель, засялілася ў гасцініцу і стала чакаць вяртання 200 тысяч рублёў
Пара падманвала мужчын на сайтах знаёмстваў — клюнулі 60 чалавек
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары
Фальшыўка з Літвы :)
Склад рэдакцыйнай камісіі дзіўны: імёны сапраўдных рэдактараў без прозвішчаў. Апошнія выпускі фальсіфікаваныя з дапамогай ШІ, і ўвогуле склад аўтараў нібыта змяніўся з пераважна беларускіх на цалкам міжнародны калектыў.