21‑гадовы мінчук разам са сваёй дзяўчынай стварылі бізнэс на мужчынах. Схема была пераканаўчай — у іх пастку трапілі мінімум 60 чалавек, якія замест сустрэчы з дзяўчынай атрымалі спустошаныя партманэты.
Маладыя людзі стваралі фэйкавыя анкеты на сайтах знаёмстваў, выкарыстоўваючы чужыя фатаграфіі з сацыяльных сетак і штучны інтэлект. Яны прапаноўвалі інтымныя паслугі. Каб пераканаць мужчын у рэальнасці анкет, фігуранты генеравалі праз ШІ паведамленні-кружочкі, на якіх выдуманыя дзяўчыны звярталіся да суразмоўцаў.
Калі кліент пагаджаўся на сустрэчу, у яго патрабавалі перавесці 500 рублёў у якасці «задатку за бяспеку».
Пасля атрымання першага плацяжу махляры не спыняліся і выстаўлялі новыя патрабаванні: напрыклад, аплату яшчэ 500 рублёў за даведку пра здароўе або іншыя выдуманыя паслугі. Калі грошы пераставалі паступаць, карыстальнікаў проста блакавалі.
Атрыманыя сродкі пара выводзіла за мяжу на банкаўскія карты, аформленыя на трэцюю асобу.
Пакуль вядома пра 60 пацярпелых, але праверка працягваецца.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць1
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5757
Каментары