У Міністэрстве жыллёва-камунальнай гаспадаркі растлумачылі, як змяняюцца камунальныя плацяжы, калі кватэру здаюць людзям, афіцыйна прызнаным асобамі, не занятымі ў эканоміцы, піша MyFin.
Згодна з Жыллёвым кодэксам, абавязак па аплаце жыллёва-камунальных паслуг у наймальніка ўзнікае з дня заключэння дагавора найму.
Пры гэтым абавязак па аплаце такіх паслуг наймальнікам прыватнага жыллёвага фонду ўзнікае ў выпадку, калі гэта прадугледжана і дагаворам.
Калі наймальнік уключаны ў спіс не занятых у эканоміцы і менавіта ён з’яўляецца плацельшчыкам камуналкі ў арандаванай кватэры, то эканамічна абгрунтаваныя тарыфы прымяняюцца да ўсёй плошчы арандаванага жылога памяшкання і на ўвесь аб’ём спажываных паслуг. Гэта тычыцца платы за цеплазабеспячэнне і гарачае водазабеспячэнне.
Калі ж у дагаворы найму або дадатковым пагадненні пазначана, што камунальныя паслугі працягвае аплачваць працуючы ўласнік кватэры, павышаныя тарыфы прымяняцца не будуць.
Каментары