Найбольш верагодным вынікам завяршэння канфлікту ва Украіне з’яўляецца «фінскі сцэнар»
Найгоршы верагодны вынік — «беларускі сцэнар».
Найбольш верагодным вынікам завяршэння канфлікту ва Украіне з’яўляецца «фінскі сцэнар», заявілі ў JPMorgan, піша РБК.
Эксперты лічаць, што падчас перамоваў Украіне давядзецца пайсці на «балючыя саступкі»: страціць каля 20% сваёй тэрыторыі, абвясціць нейтралітэт і абмежаваць магчымасці сваіх узброеных сіл.
«У цяперашніх умовах урэгуляванне шляхам перамоў можа адбыцца ўжо сёлета», — заявілі ў JPMorgan.
Таксама JPMorgan разглядае магчымасць яшчэ чатырох сцэнароў развязання канфлікту:
З верагоднасцю 5%, на думку аналітыкаў, можа наступіць «паўднёвакарэйскі сцэнар», які прадугледжвае членства Украіны ў NATO або гарантыі бяспекі з боку ЗША, а таксама прысутнасць у краіне еўрапейскіх міратворчых сіл.
З верагоднасцю 10%, паводле ацэнак спецыялістаў, магчымы «ізраільскі сцэнар». Ён прадугледжвае моцную і доўгатэрміновую падтрымку з боку ЗША без прысутнасці замежных войскаў, што ператварыла б Украіну ў добра ўмацаваную дзяржаву, «здольную самастойна стрымліваць Расію».
«Грузінскі сцэнар», на думку аналітыкаў, магчымы з верагоднасцю 30%. Ён прадугледжвае нестабільнасць, запаволенне эканамічнага росту і аднаўлення пры адсутнасці замежных войскаў і надзейных гарантый бяспекі, а таксама фактычную адмову ад уступлення ў ЕС і NATO.
«Найгоршым» сцэнаром (5%) аналітыкі называюць «беларускі».
Калі ЗША адмовяцца ад падтрымкі Украіны, а Еўропа не зможа гэта кампенсаваць, то Расія «ператворыць краіну ва васальную дзяржаву Масквы», сцвярджаецца ў дакладзе.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе47
Каментары