U Ministerstvie žyllova-kamunalnaj haspadarki rastłumačyli, jak źmianiajucca kamunalnyja płaciažy, kali kvateru zdajuć ludziam, aficyjna pryznanym asobami, nie zaniatymi ŭ ekanomicy, piša MyFin.
Zhodna z Žyllovym kodeksam, abaviazak pa apłacie žyllova-kamunalnych pasłuh u najmalnika ŭźnikaje z dnia zaklučeńnia dahavora najmu.
Pry hetym abaviazak pa apłacie takich pasłuh najmalnikam pryvatnaha žyllovaha fondu ŭźnikaje ŭ vypadku, kali heta praduhledžana i dahavoram.
Kali najmalnik uklučany ŭ śpis nie zaniatych u ekanomicy i mienavita jon źjaŭlajecca płacielščykam kamunałki ŭ arandavanaj kvatery, to ekanamična abhruntavanyja taryfy prymianiajucca da ŭsioj płoščy arandavanaha žyłoha pamiaškańnia i na ŭvieś abjom spažyvanych pasłuh. Heta tyčycca płaty za ciepłazabieśpiačeńnie i haračaje vodazabieśpiačeńnie.
Kali ž u dahavory najmu abo dadatkovym pahadnieńni paznačana, što kamunalnyja pasłuhi praciahvaje apłačvać pracujučy ŭłaśnik kvatery, pavyšanyja taryfy prymianiacca nie buduć.
Kamientary