Вялікая атака дронаў на Маскву і вобласць. Ёсць ахвяры, гарыць нафтаналіўная станцыя ў прыгарадзе
У ноч на 17 мая Маскоўскі рэгіён зазнаў адну з самых масіраваных атак беспілотнікаў.
Упершыню ўкраінскія беспілотнікі здолелі прабіць кола абароны вакол расійскай сталіцы. Дроны беспаспяхова спрабавалі прабіцца да нафтаперапрацоўчага завода ў Капотні на паўднёвым усходзе Масквы (апошняе відэа тут ніжэй), але паразіць удалося толькі Сонечнагорскую нафтаналіўную станцыю ў Дурыкіне на паўночны захад ад горада (першыя відэа).
Там гараць два рэзервуары. Слупы чорнага дыму бачныя з усёй Масквы.
Некаторыя беспілотнікі ўдарылі па прамысловых аб'ектах у Падмаскоўі. Частка падаўленых РЭБ беспілотнікаў урэзалася ў жылыя дамы.
Распаўсюд інфармацыі пра ўдары ў Расіі абмежаваны.
Паводле звестак расійскіх уладаў, у непасрэднай блізкасці ад сталіцы за суткі было збіта больш за 120 беспілотнікаў. Пра колькасць пападанняў расійскія ўлады не паведамляюць.
У выніку начнога выбуху загарэлася Сонечнагорская наліўная станцыя. Гэты буйны аб'ект уваходзіць у сістэму магістральных нафтапровадаў вакол Масквы і выкарыстоўваецца для захоўвання і адгрузкі бензіну і дызельнага паліва.
Пажар зафіксаваны таксама ў тэхнапарку «Элма» (Зеленаград). Там працуюць больш за 150 рэзідэнтаў, якія спецыялізуюцца на вытворчасці мікраэлектронікі, аптычнай тэхнікі і навуковых распрацоўках, піша ASTRA.
На гэты час вядома пра трох загінулых у Падмаскоўі. У Хімках дрон трапіў у прыватны дом — загінула жанчына. У Мыцішчах абломкі БПЛА забілі двух мужчын на будоўлі.
У Краснагорску і Істры беспілотнікі пашкодзілі шматкватэрныя дамы, а ў пасёлку Аграгарадок пад удар трапілі шэсць прыватных дамоў, дзе параненыя чатыры чалавекі.
У самой Маскве параненыя найменш 12 чалавек.
Паводле заявы Мінабароны РФ, агулам СПА знішчылі 556 украінскіх БПЛА. Дроны былі збітыя над тэрыторыямі Белгарадскай, Калужскай, Курскай, Арлоўскай, Бранскай, Варонежскай, Тульскай, Смаленскай, Пскоўскай, Ліпецкай, Цвярской, Растоўскай абласцей, Краснадарскага краю, Маскоўскага рэгіёну, анексаванага Крыма, акваторыямі Чорнага і Азоўскага мораў.
Дагэтуль Масква зазнавала толькі выпадковай шкоды, а ўзровень падтрымкі вайны там быў найвышэйшы — бо на фронт ішлі пераважна мужчыны з бедных рэгіёнаў Расіі.
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары
Те, кто не в рф и рб, помогайте Украине. Лично доначу знакомым украинцам на дроны. Сейчас может быть переломный момент, когда рф будет полыхать, тогда и у нас беларусов появится шанс избавиться от кремлевской навалачы.