Амерыканская баскетбалістка Доніка Косбі пакінула мінскі клуб пасля агляду на мяжы і допыту
Выпадак здарыўся ў канцы 2024 года.
Амерыканская баскетбалістка Доніка Косбі, якая выступала за мінскі клуб «Гарызонт», разарвала з ім кантракт пасля агляду на мяжы і ператрусу. Цяпер яна знаходзіцца ў вышуку, піша «Медыязона».
Прозвішча Донікі выданне знайшло ў расійскай базе вышуку, аднак у картцы не пазначана, у якой краіне на яе завялі крымінальную справу — у Расіі ці Беларусі, і паводле якога артыкула. Самой спартсменцы абставіны справы таксама невядомыя.
У 2025 годзе яна завяршыла гульнявую кар’еру і цяпер працуе памочніцай галоўнага трэнера жаночай баскетбольнай каманды ў кам’юніці-каледжы Місісіпі Галф-Кост.
Паводле слоў Косбі, у 2024 годзе яна вярталася ў Беларусь пасля каляднага адпачынку, і на мяжы ў яе канфіскавалі заплечнік «для нейкіх тэстаў ці нешта такое». Спартсменку тады ўсё ж упусцілі ў Беларусь, але праз тры тыдні выклікалі на апытанне, пасля якога яна пакінула краіну.
«Да мяне ставіліся як да злачынцы ці нешта такое, калі я перасякала мяжу. Шукалі хоць якую-небудзь прычыну, каб мяне арыштаваць, таму я не здзіўленая», — расказала баскетбалістка.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары