«У падвале, на голай плітцы». Людзі абураныя ўмовамі ўтрымання жывёл у кантактным заапарку ў Полацку
«Пачнем з таго, што заапарк знаходзіцца ў падвале. А ўнутры жывёлы ляжаць на халоднай, голай плітцы. І няма ніводнага зацішнага куточка, дзе звяры маглі б схавацца хоць на кароткі час ад святла, шуму, назойлівых наведнікаў. Вядома, інакш грошай заробяць менш», — абураюцца жыхары Полацка, у якім цяпер спыніўся кантактны заапарк «Звераполіс».
Настаўніца Юлія Перапеч запісала падрабязны агляд на заапарк, які будзе працаваць у іх горадзе да 21 чэрвеня.
Акрамя дрэнных умоваў утрымання, дзяўчына адзначае, што жывёлаў бескантрольна частуюць каларыйнымі салодкімі прысмакамі. Яноту, напрыклад, даюць мармелад, бо «ён яго любіць».
«Жахліва, што большасць полацкіх блогераў пабеглі рэкламаваць гэты кантактны заапарк. Атрымліваецца, грошы не пахнуць?» — звяртаецца з пытаннем Юлія.
Кантактны заапарк «Звераполіс» працуе не першы год, ён гастралюе па Беларусі, змяняючы гарады і месцы для чарговай выставы. За 16‑18 рублёў наведнікам прапаноўваюць пагладзіць янота, лісу, паўліна, дзікабраза, вавёрку і розных рэптылій.
Адказвае за жывёл у ім мазырчанка Аксана, і праблем з іх утрыманнем яна сама не бачыць.
«Кармы ў нас сертыфікаваныя, звяры прышчэпленыя, агледжаныя лекарамі. Выкананыя ўсе ўмовы, якіх патрабуе РБ да выставаў», — адказвае яна крытыкам.
Чытачцы «Нашай Нівы» Аксана прапанавала з’ездзіць у калгас і паглядзець на ўмовы ўтрымання жывёл там.
«І не дурыце мне галавы, інакш я вас заблакую», — была лаканічнай жанчына.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць19
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары