Следам за «халяльнымі» агуркамі ў продажы з'явіліся такія ж баклажаны
Усяго тыдзень таму беларусаў абурылі «халяльныя» калючыя агуркі, якія прадаваліся ў інтэрнэт-краме сеткі «Еўраопт». Але не паспеў у Threads астыць ранейшы запал, як загарэўся новы — гэтым разам праз баклажаны, піша Blizko.by.
Пры гэтым калі на «халяльныя» агуркі, пра якія пісалася раней, нацэнка склала ўсяго 12 капеек, то за кілаграм «халяльных» баклажанаў прыйдзецца заплаціць ужо на 2,3 рубля больш.
У каментарах карыстальнікі жартуюць і абураюцца:
«Ну як за што нацэнка, за этыкетку Халяль».
«Самы нахабны маркетынг, які я бачыў».
«Відаць таму, што не ўгнойвалі свіным гноем».
Дарэчы, цяпер з сайта «Едастаўка» тыя самыя калючыя халяльныя агуркі зніклі. Але затое прысутнічаюць тыя самыя баклажаны і некалькі відаў таматаў.
Халяльнай лічыцца прадукцыя, дазволеная і дапушчальная да спажывання па нормах ісламу. Пад забаронай мяса свініны, драпежных птушак і жывёл, кроў, а таксама алкагольныя напоі. Раслінная ежа па змаўчанні з'яўляецца халяльнай.
Цяпер чытаюць
Удава Мікіты Мелказёрава ўпершыню публічна расказала пра ноч яго смерці6
Удава Мікіты Мелказёрава ўпершыню публічна расказала пра ноч яго смерці
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары
няпраўда гэта. калі мясакамбінатамі займалася, даслалі мне неяк тэхналогію іхнага мясакамбінату... дык чым прынцыпова ад нашых адрозіваецца? па тэхналогіі дык асабліва нічым, толькі што ў іх там у цэхе т.зв. малельны дом мусіць быць прадугледжаны
ну то бок вы зразумелі - памаліліся перад працай мяснікі і пайшлі парадкаваць тушы