Украінскі амбудсмен пасля трагедыі ў Бранскай вобласці звязаўся з Беларуссю
Упаўнаважаны Вярхоўнай Рады Украіны па правах чалавека Дзмітрый Лубінец заявіў, што пасля паведамленняў пра нібыта ўкраінскую атаку на аўтобус з дзецьмі ў Бранскай вобласці ён неадкладна звязаўся з беларускім бокам і атрымаў першапачатковую інфармацыю пра здарэнне, піша «РБК-Украіна».
Падчас кантакту ён падкрэсліў пазіцыю Украіны, паводле якой украінскія сілы не маюць дачынення да гэтага інцыдэнту. Паводле слоў Лубінца, Узброеныя сілы Украіны не наносяць удараў па цывільных аб'ектах і мірным насельніцтве, а на тэрыторыі Расіі атакуюць толькі ваенныя цэлі.
Ён адзначыў, што, у адрозненне ад Расіі, якая рэгулярна абстрэльвае ўкраінскія гарады і цывільную інфраструктуру, Украіна дзейнічае ў межах міжнароднага гуманітарнага права.
Лубінец таксама дапусціў, што гісторыя з аўтобусам можа быць інфармацыйнай правакацыяй або спецыяльнай інфармацыйнай аперацыяй, якая выгадная перадусім расійскаму боку. Ён заявіў пра гатоўнасць удзельнічаць у адкрытым і непрадузятым высвятленні ўсіх абставін здарэння.
Паводле расійскай версіі, агучанай 17 чэрвеня кіраўніцтвам Бранскай вобласці, аўтобус з беларускімі дзецьмі нібыта быў атакаваны ўкраінскім беспілотнікам. Пры гэтым загінула адна жанчына і ёсць яшчэ восем пацярпелых, у тым ліку шэсць дзяцей.
Беларускае Міністэрства замежных спраў асудзіла здарэнне і назвала яго тэрарыстычным актам, запатрабаваўшы тлумачэнняў ад украінскага боку.
У сваю чаргу Генеральны штаб Узброеных сіл Украіны і Цэнтр супрацьдзеяння дэзынфармацыі пры Радзе нацыянальнай бяспекі і абароны Украіны зняпраўдзілі інфармацыю пра ўдар. Паводле іх сцвярджэнняў, у названы час украінскія вайскоўцы наогул не выкарыстоўвалі беспілотнікі для атак на тэрыторыі Бранскай вобласці.
РНБА Украіны: Правакацыя нікчэмная і мае ўсе прыкметы скаардынаванай аперацыі без якіх-небудзь фактычных доказаў
Пяскоў расказаў пра адказ Расіі пасля ўдару па беларускім аўтобусе пад Бранскам
Губернатар Бранскай вобласці апублікаваў фотаздымкі беларускіх дзяцей з бальніцы
З'явілася ВІДЭА з месца трапляння дрона ў беларускі аўтобус
У Рэчыцы расказалі падрабязнасці фатальнай паездкі мясцовых жыхароў у Расію. Аўтобусаў было два, дзяцей 41 з 88
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім12
Каментары