Ukrainski ambudsmien paśla trahiedyi ŭ Branskaj vobłaści źviazaŭsia ź Biełaruśsiu
Upaŭnavažany Viarchoŭnaj Rady Ukrainy pa pravach čałavieka Dźmitryj Łubiniec zajaviŭ, što paśla paviedamleńniaŭ pra nibyta ŭkrainskuju ataku na aŭtobus ź dziećmi ŭ Branskaj vobłaści jon nieadkładna źviazaŭsia ź biełaruskim bokam i atrymaŭ pieršapačatkovuju infarmacyju pra zdareńnie, piša «RBK-Ukraina».
Padčas kantaktu jon padkreśliŭ pazicyju Ukrainy, pavodle jakoj ukrainskija siły nie majuć dačynieńnia da hetaha incydentu. Pavodle słoŭ Łubinca, Uzbrojenyja siły Ukrainy nie nanosiać udaraŭ pa cyvilnych abjektach i mirnym nasielnictvie, a na terytoryi Rasii atakujuć tolki vajennyja celi.
Jon adznačyŭ, što, u adroźnieńnie ad Rasii, jakaja rehularna abstrelvaje ŭkrainskija harady i cyvilnuju infrastrukturu, Ukraina dziejničaje ŭ miežach mižnarodnaha humanitarnaha prava.
Łubiniec taksama dapuściŭ, što historyja z aŭtobusam moža być infarmacyjnaj pravakacyjaj abo śpiecyjalnaj infarmacyjnaj apieracyjaj, jakaja vyhadnaja pieradusim rasijskamu boku. Jon zajaviŭ pra hatoŭnaść udzielničać u adkrytym i niepraduziatym vyśviatleńni ŭsich abstavin zdareńnia.
Pavodle rasijskaj viersii, ahučanaj 17 červienia kiraŭnictvam Branskaj vobłaści, aŭtobus ź biełaruskimi dziećmi nibyta byŭ atakavany ŭkrainskim bieśpiłotnikam. Pry hetym zahinuła adna žančyna i jość jašče vosiem paciarpiełych, u tym liku šeść dziaciej.
Biełaruskaje Ministerstva zamiežnych spraŭ asudziła zdareńnie i nazvała jaho terarystyčnym aktam, zapatrabavaŭšy tłumačeńniaŭ ad ukrainskaha boku.
U svaju čarhu Hienieralny štab Uzbrojenych sił Ukrainy i Centr supraćdziejańnia dezynfarmacyi pry Radzie nacyjanalnaj biaśpieki i abarony Ukrainy źniapraŭdzili infarmacyju pra ŭdar. Pavodle ich śćviardžeńniaŭ, u nazvany čas ukrainskija vajskoŭcy naohuł nie vykarystoŭvali bieśpiłotniki dla atak na terytoryi Branskaj vobłaści.
RNBA Ukrainy: Pravakacyja nikčemnaja i maje ŭsie prykmiety skaardynavanaj apieracyi bieź jakich-niebudź faktyčnych dokazaŭ
Piaskoŭ raskazaŭ pra adkaz Rasii paśla ŭdaru pa biełaruskim aŭtobusie pad Branskam
Hubiernatar Branskaj vobłaści apublikavaŭ fotazdymki biełaruskich dziaciej z balnicy
Źjaviłasia VIDEA ź miesca traplańnia drona ŭ biełaruski aŭtobus
U Rečycy raskazali padrabiaznaści fatalnaj pajezdki miascovych žycharoŭ u Rasiju. Aŭtobusaŭ było dva, dziaciej 41 z 88
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana2
Kamientary