Расійскія прапагандысты выдумалі ўдар дрона па турыстычным аўтобусе. Але ў гісторыі ёсць загадкавыя фуры
Расійскія СМІ выдумалі ўдар дрона УСУ па турыстычным аўтобусе Мінск — Анапа ў Бранскай вобласці. Фота наступстваў удару было згенеравана штучным інтэлектам, а самога ўдару па аўтобусе не было, лічыць выданне «Флагшток», прыводзячы доказы на карысць гэтай версіі.
«Флагшток» звярнуў увагу на сюжэт беларускага тэлебачання, на якім бачна, якой была абстаноўка адразу пасля атакі дрона. Два прадэманстраваныя кадры дазваляюць рэканструяваць падзеі. БПЛА біў па групе з трох прыпаркаваных на стаянцы грузавых аўтамабіляў з паўпрычэпамі — яны стаялі за 12 метраў ад аўтобуса.
Удар прыйшоўся па сярэднім аўтамабілі DAF, размешчаным прыкладна за 12 метраў ад аўтобуса. Пасля чаго фура загарэлася, а іншыя грузавікі і аўтобус паспелі ад'ехаць да таго, як агонь разгарэўся. Паводле інфармацыі дзяржСМІ, згарэлая фура мела беларускую рэгістрацыю. Пра пацярпелых кіроўцаў грузавікоў не паведамлялася, імаверна яны пакінулі кабіны.
У аўтобусе сапраўды былі выбітыя вокны, але, мабыць, гэта адбылося ў выніку выбуховай хвалі ад удару па фуры DAF, а не ад прамога ўдару.
Што было ў фуры DAF, якая ў выніку ўдару згарэла, невядома. Але спачатку паведамленне пра ўдар па аўтобусе з’явілася ў шэрагу рэгіянальных і буйных расійскіх СМІ. І яны чамусьці ўвогуле змаўчалі пра фуру, затое наўмысна зрабілі акцэнт на цывільным аўтобусе.
У першыя гадзіны здымкі пашкоджанага аўтобуса не публікаваліся (неўзабаве стала зразумела, чаму — удару па лабавой частцы, як было ад пачатку заяўлена, не было), а затым з’явіліся фэйкавыя фота беларускага аўтобуса, імаверна, створаныя з дапамогай штучнага інтэлекту. На фэйкавым здымку выяўлены аўтобус выдуманай кампаніі Intercars, а насамрэч інцыдэнт адбыўся з аўтобусам транспартнай кампаніі «Сталіца».
«Такім чынам, можна сцвярджаць, што сетка расійскіх СМІ і тэлеграм-каналаў свядома распаўсюдзіла хлусню, паведаміўшы пра мэтанакіраваны ўдар па лабавой частцы беларускага аўтобуса, і пры гэтым схавала рэальную карціну падзей», — заключае «Флагшток».
Пасажыры аўтобуса Мінск — Анапа, у які трапіў дрон пад Бранскам, расказалі, што адбывалася
Вальфовіч назваў выбух дрона каля аўтобуса выпадковым, але позна. Прапаганда паспела знайсці вінаватых і абліць увесь свет дзярмом
Вальфовіч пра выбух дрона каля беларускага аўтобуса: «Гэта была чыстая выпадковасць»
Сакратар Рады бяспекі заклікаў беларусаў не ездзіць у Расію
Ва Украіне сітуацыю з беларускім аўтобусам у Бранскай вобласці назвалі «свядомай правакацыяй расіян»
Цяпер чытаюць
«На караблі кожны дзень — панядзелак». Беларуска расказала пра сваю працу на круізным лайнеры4
Каментары