У аварыі пасажырскага аўтобуса ва Украіне дзевяць чалавек загінулі, восем пацярпелых
ДТЗ адбылося сёння раніцай ва Украіне на трасе Адэса — Мелітопаль — Новаазоўск, піша Бі-бі-сі — Украіна.
Кіроўца маршрутнага мікрааўтобуса Mercedes Sprinter, які рухаўся з Адэсы ў Мікалаеў з пасажырамі, не справіўся з кіраваннем і выехаў за межы праезнай часткі.
Пасля гэтага аўтобус перакуліўся і выкаціўся на сустрэчную паласу, дзе сутыкнуўся з грузавіком Volvo.
Паводле папярэдняй інфармацыі, у выніку аварыі загінулі дзевяць чалавек, яшчэ восем атрымалі раненні.
На месцы здарэння працуюць следчыя аддзела па расследаванні злачынстваў на транспарце следчага ўпраўлення абласной паліцыі.
Каментары