Раней Дзмітрый Шляхцін працаваў у Адміністрацыі Лукашэнкі і быў дырэктарам музея Вялікай Айчыннай вайны. Але не спрацаваўся з новым міністрам, Маратам Маркавым.
Першага намесніка міністра культуры Дзмітрыя Шляхціна звольнілі з пасады.
Сваё крэсла ён займаў са снежня 2024‑га (яго прызначылі ў той жа дзень, што і Руслана Чарнецкага міністрам).
Але пасля прыходу Марата Маркава на пасаду міністра культуры Шляхцін доўга не пратрымаўся. Апошняе інтэрв'ю ў якасці першага намесніка ён даваў у маі. Як стала вядома «Нашай Ніве», нядаўна яго звольнілі. А таксама выкраслілі са спісу патэнцыйных дырэктараў у Нацыянальны гістарычны музей (які пасля інспекцыі Лукашэнкі, падобна, зменіць назву).
Шляхцін быў ініцыятарам ідэі пазбавіць самастойнасці музеі Янкі Купалы і Якуба Коласа — іх могуць уключыць у склад Дзяржаўнага музея гісторыі беларускай літаратуры ў якасці філіялаў. Таксама ён прапаноўваў закрыць Музей гісторыі тэатральнай і музычнай культуры. Калі супрацоўнікі культуры пачалі перажываць за лёс экспанатаў пры такім развіцці падзей, Шляхцін грэбліва сказаў, што іх трэба скласці ў каробкі і вынесці на сметніцу.
Дзмітрыю Шляхціну 42 гады. Ён выпускнік гістфака БДУ (музейнае аддзяленне). Пачынаў свой шлях у Нацыянальным гістарычным музеі. З 2010 года працаваў ва ўпраўленні ўстаноў культуры і народнай творчасці Міністэрства культуры, з 2014‑га — ва ўпраўленні сацыяльна-культурнай палітыкі галоўнага ідэалагічнага ўпраўлення Адміністрацыі Лукашэнкі.
У 2016‑м Шляхцін стаў дырэктарам Музея гісторыі Вялікай Айчыннай вайны. Пазней быў начальнікам сакратарыята Банка развіцця.
«Лена 20 рублёў» узялася за старое: знакамітая махлярка зноў разводзіць даверлівых беларусаў3
Каментары
"На согласовании в Министерстве Культуры другая кандидатура"
Уласнаручная рэзалюцыя на тыпавым бланку "Государственной службы занятости и социальной защиты населения" з маёй фамилияй.
Як вакансія? Знайшла дастойную кандыдатуру?