У Расіі спецназ затрымаў агрэсіўнага крымінальніка, які напярэдадні спрабаваў заправіцца без чаргі і абражаў людзей
«Мне по*уй, колькі вы тут стаіце», — аргументаваў ён учора і заклікаў паліцэйскага страляць у яго. Сёння ён просіць прабачэння, але крымінальную справу ўжо завялі.
Дэфіцыт бензіну ў Расіі прыводзіць да ўтварэння вялікіх чэргаў на аўтазапраўках. Пры гэтым, як звычайна ў такіх сітуацыях, знаходзяцца тыя, хто спрабуе праехаць без чаргі.
Адзін з такіх выпадкаў адбыўся на аўтазапраўцы ў пасёлку Усць-Ардынскі Іркуцкай вобласці Расіі. Адпаведнае відэа апублікаваў тэлеграм-канал «Красный Иркутск».
Адна з жанчын падышла да нахабніка і папрасіла прыбраць машыну. Пры гэтым яна папярэдзіла кіроўцу, што вядзе відэазапіс. Аднак уладальнік Audi Q7 замест таго, каб ад'ехаць, крыху рушыў наперад, відавочна спрабуючы напужаць жанчыну, якая стаяла проста перад капотам.
У гэты момант да машыны падышоў паліцэйскі, які праз адкрытае акно з боку пярэдняга пасажыра паспрабаваў высветліць, чаму мужчына спрабуе пад'ехаць да бензакалонкі без чаргі. У адказ ён пачуў толькі лаянку і знявагі.
— Не рызыкуйце, — спакойна адказаў яму паліцэйскі.
Жанчына, якая здымала ўсё на камеру, тым часам параіла выклікаць дадатковы нарад паліцыі.
Але гэта не дапамагло. Мужчына працягваў паводзіць сябе агрэсіўна.
— Я цябе знайду, — паабяцала жанчына.
— Не рызыкуйце, людзі, — звярнуўся паліцэйскі ўжо да яе.
У гэты момант буян выйшаў з машыны і накіраваўся ў бок паліцэйскага. Але перад ім стала жанчына.
— Лепш прыбяры тэлефон, а то я яго, на*уй, разаб'ю, — прыгразіў ён ёй, пасля чаго пайшоў проста на паліцэйскага, які ў гэты момант ужо дастаў з кабуры пісталет.
— Чаго ты ўчапіўся ў пісталет? — спытаў мужчына, але далей ісці не адважыўся і развярнуўся да сваёй машыны.
— Малады чалавек, вы разумееце, што парушаеце парадак? Мы па пяць гадзін тут стаім, — заўважыла жанчына з камерай.
— Мне по*уй, колькі вы тут стаіце, — адказаў парушальнік і зноўку пайшоў у наступ.
— Я вам усім *бальнікі паразбіваю на*уй, — працягваў ён пагражаць.
— Ты ў курсе, што гэта прадстаўнік улады? — пацікавілася жанчына, калі парушальнік зноў пайшоў на паліцэйскага.
— Што ты з тым пісталетам? Давай, страляй. Вось я! Пісталет, на*уй, узяў, *уесос, бл****, — працягваў наступаць мужчына, прымушаючы паліцэйскага адступаць.
Аднак неўзабаве вярнуўся да сваёй машыны.
— Малады чалавек! Вы толькі што здзейснілі злачынства — знявагу прадстаўніка ўлады, — сказала яму жанчына.
— Ідзі ты н****, карова дзіравая, — адказаў мужчына, але ўсё ж ад'ехаў у канец чаргі.
На гэтым канфлікт не завяршыўся. Мужчына зноў падышоў да паліцэйскага на аўтазапраўцы і паспрабаваў выклікаць яго «на размову», патрабуючы растлумачыць, «на каго ён пісталет падняў». На дапамогу прадстаўніку ўлады падышоў іншы мужчына, а жанчына тым часам выклікала нарад паліцыі.
Пазней з'явілася новае відэа, на якім парушальнік, затрыманы спецназам, просіць прабачэння. Як паведаміла паліцыя, супраць 36‑гадовага «героя» распачалі крымінальную справу па артыкулах аб пагрозе прымянення гвалту ў дачыненні да прадстаўніка ўлады і аб яго знявазе.
Паводле слоў самога мужчыны, раней ён ужо быў судзімы за крадзеж і знявагу прадстаўніка ўлады (артыкулы 158 і 319 Крымінальнага кодэкса Расіі). За рулём падчас інцыдэнту ён быў цвярозы.
Каментары