Палесцінская групоўка ХАМАС паведаміла пра роспуск структуры, якая кіравала сектарам Газа амаль два дзесяцігоддзі. Кіраўнік так званага Камітэта надзвычайнага кіравання Махамед аль-Фара падаў у адстаўку, а сам орган спыніў дзейнасць, піша Euronews.
У ХАМАС заявілі, што гэта рашэнне павінна палегчыць перадачу цывільнага кіравання Нацыянальнаму камітэту кіравання Газай (NCAG), які ўзначальвае палесцінскі тэхнакрат Алі Шаат.
Паводле заявы прадстаўнікоў руху, роспуск урада з'яўляецца «жэстам добрай волі» і сведчыць пра гатоўнасць адмовіцца ад непасрэднага кіравання сектарам Газа дзеля прасоўвання палітычнага ўрэгулявання.
ХАМАС кантраляваў сектар Газа з 2007 года пасля ўзброенага супрацьстаяння з рухам «Фатх». Пасля ўступлення ў сілу рэжыму спынення агню паміж ХАМАС і Ізраілем у кастрычніку 2025 года групоўка неаднаразова заяўляла пра гатоўнасць перадаць цывільныя паўнамоцтвы, аднак пытанне яе раззбраення застаецца нявырашаным.
Нацыянальны камітэт кіравання Газай некалькі месяцаў не мог пачаць працу ў анклаве, паколькі яго ўезд туды, як паведамляецца, блакаваў Ізраіль.
Прадстаўнікі ХАМАС таксама заявілі, што праінфармавалі іншыя палесцінскія палітычныя сілы пра сваё рашэнне падчас сустрэчы ў Каіры. Паводле іх слоў, удзельнікі перамоў віталі гэты крок як магчымасць паскорыць пераход да новай сістэмы цывільнага кіравання.
Нягледзячы на гэта, ключавыя пытанні другога этапу пасляваеннага ўрэгулявання — раззбраенне ХАМАС, вывад ізраільскіх войскаў і будучая сістэма кіравання сектарам Газа — па-ранейшаму застаюцца прадметам супярэчнасцяў.
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары