На сумеснай прэс-канферэнцыі з кіраўніцай МЗС Мазамбіка Марыяй Лукаш міністр замежных спраў Расіі Сяргей Лаўроў заявіў, што Расія не збіраецца спыняць баявыя дзеянні супраць Украіны і будзе працягваць іх да таго часу, пакуль не будуць выкананыя мэты, якія Уладзімір Пуцін агучыў у чэрвені 2024 года. Паводле слоў Лаўрова, гэтыя задачы застаюцца нязменнымі і менавіта на іх арыентуецца расійскае кіраўніцтва, піша The Moscow Times.
Гаворка ідзе пра патрабаванні, якія Пуцін выставіў два гады таму падчас выступлення ў Міністэрстве замежных спраў Расіі.
Ён настойваў, каб Украіна вывела свае войскі з усёй тэрыторыі Данецкай, Луганскай, Запарожскай і Херсонскай абласцей, уключаючы раёны, якія на той момант не знаходзіліся пад кантролем расійскіх войскаў. Таксама Расія патрабуе, каб Украіна афіцыйна прызнала Крым і гэтыя чатыры вобласці часткай Расійскай Федэрацыі, адмовілася ад уступлення ў НАТА і прыняла ўмовы, якія Масква называе «дэмілітарызацыяй» і «дэнацыфікацыяй». Паводле Пуціна, пасля выканання гэтых патрабаванняў Расія была б гатовая неадкладна спыніць агонь і пачаць перамовы.
Акрамя таго, Пуцін у чэрвені 2024 года патрабаваў поўнай адмены ўсіх заходніх санкцый, уведзеных супраць Расіі. Ён папярэджваў, што калі Кіеў і яго заходнія саюзнікі не прымуць гэтыя ўмовы, сітуацыя на фронце будзе змяняцца на карысць Расіі, а ў будучыні ўмовы для магчымых перамоў могуць стаць яшчэ больш жорсткімі. Такім чынам, паводле заявы Лаўрова, расійскае кіраўніцтва па-ранейшаму настойвае на выкананні гэтых патрабаванняў і не разглядае магчымасць спынення вайны без іх выканання.
На сённяшняй прэс-канферэнцыі Сяргей Лаўроў таксама рэзка раскрытыкаваў заходнія краіны. Ён заявіў, што Захад толькі рабіў выгляд, што падтрымлівае перамоўны працэс, але насамрэч, паводле яго слоў, пастаянна выстаўляў Расіі ультыматыўныя патрабаванні. Расійскі міністр заявіў, што ўсе дамоўленасці, якіх удавалася дасягнуць у 2014, 2015, 2019 і нават у 2022 годзе, былі сарваныя нібыта па віне заходніх дзяржаў. У сувязі з гэтым ён адзначыў, што Масква больш не мае даверу да заходніх гарантый і не разлічвае на іх у далейшым.
Лаўроў адмовіўся разумець заявы ЗША пра адсутнасць дамоўленасцяў з Пуціным у Анкорыджы
Асноўнай рэакцыяй на Пуціна, Лаўрова, Пяскова ў расійскім тэлеграме стаў клоўн
Лаўроў: Прадстаўнікі Вялікабрытаніі і Францыі прыязджалі ў Маскву для непублічных перамоваў
Лаўроў назваў ультыматумам прапанову краін Еўропы па Украіне
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары
уже недолго им там осталось фантазировать. спустят на землю.