У «ДНР» збаёдалі мошчы Аляксандра Неўскага. Іх везлі на малебен аб пераадоленні паліўнага крызісу
Трое вайскоўцаў пры гэтым загінулі.
Мошчы святога Аляксандра Неўскага
«Частка мошчаў святога князя Аляксандра Неўскага была адпраўлена на фронт вясной з ініцыятывы міністра абароны Андрэя Белавусава. З лета рэліквія выкарыстоўвалася для правядзення малебнаў аб пераадоленні паліўнага крызісу, у прыватнасці — за аднаўленне паставак паліва ў Крым. Святыню не ўдалося захаваць», піша тэлеграм-канал «Крамлёўская табакерка».
«Мошчы святога князя Аляксандра вайскоўцы везлі на сваім грузавіку да аднаго з важных аб'ектаў у ДНР. Там планаваўся малебен аб пераадоленні крызісу з палівам на Данбасе і ва ўсёй Расіі. Па дарозе адбылася атака з выкарыстаннем некалькіх дронаў. На жаль, святыня была цалкам страчаная. Добра, што ў ДНР прывезлі толькі частку мошчаў. Але страта велізарная. Падчас атакі загінулі трое афіцэраў. Вось такія дрэнныя навіны», — распавяла крыніца ў Міністэрстве абароны.
У Міністэрстве цяпер асцерагаюцца канфлікту паміж Белавусавым і патрыярхам Кірылам. Гэта ўжо не першая свяшчэнная рэліквія, страчаная на фронце.
Летась у выніку абстрэлу была страчана частка мошчаў святой Матроны Маскоўскай. Іх таксама адправілі на фронт з асабістай ініцыятывы міністра
«Спадзяёмся, што Бог не пакіне нас. Але цяпер настрой вельмі дрэнны, прыгнечаны. Верым, што, нягледзячы ні на што, на фронт прыбудуць новыя святыні», — дадаў суразмоўца канала.
Былы міністр культуры Руслан Чарнецкі знайшоў сабе падпрацоўку9
Каментары