Наваполацкі макрушнік палічыў, што калі Расія плаціць за забойствы ўкраінцаў, то трэба наймацца. Але прагадаў
Сяргей Сапрыкін амаль палову жыцця правёў у калоніі — сеў надоўга за забойства ў 2000-х. Але прысуд Украіны наёмніку аказаўся хутчэйшым і стражэйшым за Наваполацкі суд. Стала вядома пра яшчэ аднаго загінулага джэнтльмена ўдачы з Беларусі.
Сяргей Сапрыкін нарадзіўся ў Наваполацку ў 1984 годзе, адзінае што паспеў у жыцці — скончыць хабзу і троху папрацаваць. А ўжо ў 22 гады Сапрыкін разам з падзельнікам забілі чалавека ў двары шматкватэрнага дома, проста насупраць дзіцячага садка.
Іх дваіх судзілі па расстрэльным артыкуле, Сапрыкіну далі 14 год узмоцненага рэжыму, якія ён адседзеў ад званка да званка. У сацыяльных сетках мужчына аб'явіўся толькі ў 2020 годзе.
Сям'і і дзяцей у яго, натуральна, не здарылася. На радзіме нічога не трымала, а інтэгравацца назад у грамадства мужчына не захацеў і зрабіў другую вялікую памылку ў жыцці — запісаўся наёмнікам у расійскае войска.
Як вядома, час жыцця такіх жаўнераў кароткі. У абсалютнай большасці іх шлях заканчваецца на першым жа баявым выхадзе. Вось і Сапрыкін паваяваў зусім нядоўга.
«Сын прызнаны загінулым. Выдалі даведку аб гібелі і спіс дакументаў, якія трэба збіраць на выплаты. Але цела ж няма, немагчыма дастаць праз шчыльнасць баёў. Ці будуць выплаты? Можа, і не трэба збіраць», — разважае маці Ірына. Не засталося сына, дык, можа, хоць грабавыя атрымае.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары