У Гданьску кіроўца аўтобуса з Беларусі і рабочы верфі з Украіны выратавалі пажылую пару ад нападніка
У Гданьску кіроўца гарадскога аўтобуса з Беларусі і рабочы судабудаўнічай верфі з Украіны прыйшлі на дапамогу пажылым сужэнцам, на якіх напаў агрэсіўны мужчына. Яны аказалі пацярпелым дапамогу і ўтрымлівалі нападніка да прыезду паліцыі, піша Trojmiasto.online.
Інцыдэнт здарыўся ў ліпені. Пажылая пара кіравалася ў бальніцу на абследаванне, калі на іх напаў невядомы мужчына. Ён ударыў жанчыну бутэлькай па галаве, а яе мужа штурхнуў на праезную частку.
Сведкам нападу стаў Руслан, рабочы судабудаўнічай верфі з Украіны. Ён першым кінуўся на дапамогу. Да яго далучыўся Барыс Мацвяйчук — кіроўца гарадскога аўтобуса, які прыехаў у Польшчу з Беларусі.
Мужчыны не толькі дапамаглі пацярпелым, але і затрымалі нападніка да прыезду паліцыі.
Барыс Мацвяйчук працуе кіроўцам аўтобуса №283. Маршрут праходзіць побач з Універсітэцкім клінічным цэнтрам, таму ім часта карыстаюцца пацыенты бальніцы.
Пасля здарэння пані Гражына, пацярпелая жанчына, звязалася з транспартнай кампаніяй GAiT і папрасіла перадаць Барысу падзяку ад сябе і мужа. У лісце яна выказала яму глыбокую павагу за дапамогу і чалавечы ўчынак.
Мацвяйчук працуе ў GAiT каля двух гадоў. У Польшчу ён прыехаў з Беларусі ў 2015 годзе. Некаторы час жыў у Швецыі, аднак пазней вырашыў спыніцца ў Труймясце, куды раней пераехаў яго брат.
Да працы ў GAiT Барыс займаўся будаўнічым бізнэсам і аўтамайстэрнямі.
Паводле слоў мужчыны, падчас суразмоўя ў GAiT яго спыталі, як ён будзе паводзіць сябе ў стрэсавай сітуацыі. Тады ён не змог адразу даць гатовы адказ. Цяпер, кажа Барыс, адказ ён даў сваім учынкам.
Нядаўна Мацвяйчук атрымаў польскае грамадзянства.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
А нашаму беларусу і ўкраінцу павага, што дапамаглі ўтаймаваць нападніка.
звярніцеся у Лігу Абароны Працаўнікоў Ботаферм, можа там дапамогуць.