У Адэсе судзілі беларуску, якая абмацюкала п'янага мужа — ён пакрыўдзіўся і пагражаў скончыць жыццё самагубствам
Перапалоханая жанчына сама пазваніла ў паліцыю, але менавіта яе зрабілі вінаватай — у «псіхалагічным гвалце».
У Адэскай вобласці беларуску судзілі за «хатні гвалт псіхалагічнага характару». Жанчына пасварылася са сваім п'яным мужам, абое нецэнзурна лаяліся.
Аднак урэшце ён пайшоў з дому, пагражаючы скончыць жыццё самагубствам. Спалоханая жанчына патэлефанавала ў паліцыю.
Але ў выніку маёр Рамашчанка склаў пратакол менавіта на жонку — за тое, што яна лаялася на мужа і тым самым «нанесла шкоду яго псіхічнаму здароўю».
У судзе жанчына віну прызнала і шчыра раскаялася. Муж, які прысутнічаў на пасяджэнні, дараваў жонцы і прасіў строга не караць — пара памірылася. Суд палічыў правапарушэнне малазначным і вызваліў беларуску ад адміністрацыйнай адказнасці, абмежаваўся заўвагай.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары