Прэзідэнт Сербіі таксама заявіў, што не чакае заканчэння расійска-ўкраінскай вайны ні да канца 2026 года, ні да вясны 2027 года.
Прэзідэнт Сербіі Аляксандр Вучыч заявіў, што лічыць цяперашнюю сітуацыю пачаткам больш маштабнай вайны. Пра гэта ён сказаў у падкасце старшыні праўлення медыяканцэрна Axel Springer Маціяса Дэпфнэра, апублікаваным 9 жніўня, паведамляе тэлеканал «Дождь».
«Калі вы пытаецеся, што асабіста я думаю, — і я не буду тлумачыць, чаму так думаю, — то, на маю думку, мы знаходзімся ў пачатку больш маштабнай вайны. Я спадзяваўся, што да гэтага моманту нехта зробіць крокі дзеля дасягнення міру. Гэтага не адбылося, і ў бліжэйшы час не адбудзецца. Гэта азначае, што мы стаім на парозе значна, значна больш маштабнай вайны», — сказаў Вучыч.
У размове Вучыч таксама заявіў, што не чакае заканчэння расійска-ўкраінскай вайны ні да канца 2026 года, ні да вясны 2027 года. Ён патлумачыў гэта тым, што бакі знаходзяцца ў тупіку, а кампраміс, на яго думку, стане магчымым толькі пасля таго, як адзін з бакоў атрымае відавочную перавагу.
Вучыч таксама выказаў меркаванне, што Уладзімір Пуцін імкнецца ўсталяваць кантроль над усім Данбасам і пасля гэтага можа быць гатовы скончыць вайну.
Прэзідэнт Сербіі заклікаў ЗША і еўрапейскія краіны дамагацца перамоваў і спынення агню, а не чакаць знясілення расійскіх войскаў. «Ніхто не хоча міру. Усе хочуць паразы іншага боку», — заявіў ён, дадаўшы, што вынікам вайны павінен стаць кампраміс, а не параза аднаго з бакоў.
Цяпер чытаюць
У Беларусі знайшлі копію швейцарскіх Альпаў — але турыстаў там не чакаюць2
Каментары
Вучыцеся ясна і коратка выкладаць свае думкі.
Ці вы проста свае эмоцыі вырашылі выплеснуць у эфір? І вам усё роўна, зразумеюць вас чытачы, ці не зразумеюць?
Я б сказаў, што вынікамі вайны павінна была б стаць параза расеі, але ж, нажаль, праз пазіцыю Амерыкі і Еўропы гэта немагчыма, таму прыйдзецца пайсці на нейкі кампраміс. Пры тым, што Украіна ўжо заплаціла вялікай крывёй за сваю незалежнасць.
Ну, з аднаго боку так.
З іншага, немагчыма перамагчы ў такой вайне не змагаючыся з карупцыяй і не правадзя неабходных рэформ. Відавочна ўжо што Зяленскі нічога з гэтага рабіць не збіраецца. У расеі больш дэмаграфічны і эканамічны патэнцыл, таму Украіне для перамогі трэба быць лепей, а не капіраваць горшыя практыкі рф - карупцыя, закручванне гаек, нізкае стаўлення да жыцця грамадзян
Патрэбны новы, больш кампетэнтны ўрад, інакш вельмі дрэнна ўсё можа скончыцца