Беларус убачыў у Італіі лагатып мясцовага брэнда, які моцна нагадаў яму радзіму
Часам у крамах Еўропы можна сустрэць беларускія тавары. Аднак жа мала хто чакае ўбачыць адсылкі да папулярных нацыянальных брэндаў у аддаленых кутках замежных дзяржаў. Такая нечаканая сустрэча здарылася з госцем італьянскага горада Імала Іванам, пра што ён расказаў на сваёй старонцы ў Threads, піша выданне Blizko.by.
Хлопец звярнуў увагу на плакат з касметыкай для догляду валасоў. У назве брэнда была прыкметная літара, якую практычна кожны беларус пазнае без ніякіх цяжкасцяў.
«Дзесьці ў італьянскай глухмені натхніліся «Белітай», — падпісаў фота аўтар.
Насамрэч, аднак, ніякага плагіяту няма. Першапачаткова «Беліта-Вітэкс» была супольнай вытворчасцю БССР і Італіі, створанай у 1989 годзе. Партнёрам з італьянскага боку было прадпрыемства GVF. Менавіта яму і належыць лінейка It&ly Hairfashion, чыя характэрная вензельная літара ў чырвона-зялёных колерах стала злучальным звяном у новым брэндзе.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА7
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны33
Каментары