У КНДР не ацанілі рашэнне Трампа скараціць маштаб вучэнняў з Паўднёвай Карэяй
Паўночная Карэя заявіла, што скарачэнне маштабу сумесных вайсковых вучэнняў ЗША і Паўднёвай Карэі не змяняе яе стаўлення да гэтых манеўраў, піша Euronews.
У Паўднёвай Карэі 19 жніўня пачаліся сумесныя амерыкана-паўднёвакарэйскія вучэнні Ulchi Freedom Shield. У іх удзельнічаюць вайскоўцы дзвюх краін, а таксама праводзяцца трэніроўкі па дзеяннях у надзвычайных і тэрарыстычных сітуацыях.
Пхеньян традыцыйна разглядае такія вучэнні як падрыхтоўку да магчымай ваеннай аперацыі супраць Паўночнай Карэі. У КНДР падкрэслілі, што нават калі ЗША і Паўднёвая Карэя скарачаюць маштаб манеўраў, гэта не змяняе іх сутнасці і не ўплывае на пазіцыю Паўночнай Карэі.
«Мы лічым, што гэта не варта якіх-небудзь каментароў, і нас гэта зусім не цікавіць», — заявіла ўплывовая сястра кіраўніка КНДР Кім Чэн Ына Кім Ё Чжон у заяве, распаўсюджанай дзяржаўнымі СМІ.
Вучэнні адбываюцца на фоне спробы адміністрацыі прэзідэнта ЗША Дональда Трампа аднавіць кантакты з кіраўніцтвам КНДР. Яшчэ падчас свайго першага прэзідэнцкага тэрміну Трамп сустракаўся з Кім Чэн Ынам і дапускаў магчымасць новых перамоваў, аднак Пхеньян пакуль не дэманструе гатоўнасці адмовіцца ад сваёй жорсткай пазіцыі ў пытаннях бяспекі і вайсковых вучэнняў.
Цяпер чытаюць
«Калі вы пазакрываеце я**льнікі»: злоўлены на допінгу амапавец з Гродна паказаў сваё высокакультурнае аблічча13
Каментары