Аляксандр Лукашэнка падпісаў указ, які вызначае новыя правілы для гандлю, грамадскага харчавання і бытавога абслугоўвання ў сельскай мясцовасці, піша БелТА.
Мэта дакумента — забяспечыць жыхарам вёсак нармальны выбар тавараў і паслуг, а таксама належную якасць абслугоўвання. Адначасова ўлады хочуць зрабіць працу ў сельскай мясцовасці больш выгаднай для бізнэсу. Для гэтага прадугледжваюцца спецыяльныя падатковыя ўмовы.
Для аўталавак увядуць больш дакладныя патрабаванні. Іх маршруты, графікі руху і месцы прыпынкаў павінны будуць загадзя зацвярджацца. Такім чынам, жыхары вёсак будуць ведаць, дзе і ў які час можна чакаць аўтамабіль з таварамі.
Прасцейшай павінна стаць і працэдура продажу нерухомасці, якую плануецца выкарыстоўваць для гандлю і аказання бытавых паслуг у сельскай мясцовасці.
Асабістую адказнасць за забеспячэнне сельскіх жыхароў таварамі і паслугамі ўскладуць на старшыняў аблвыканкамаў і райвыканкамаў, а таксама кіраўнікоў гандлёвых арганізацый. Яны павінны будуць непасрэдна кантраляваць, каб патрэбы жыхароў вёсак былі забяспечаныя.
Папярэднія нарматыўныя дакументы, якія рэгулявалі гандаль, грамадскае харчаванне і бытавое абслугоўванне на вёсцы, страцілі сілу.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў13
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
пусть попузидес катается на грузовом велике и развозит еду бабулям