Грамадства

У Варшаве сустрэлі 10 палітзняволеных, якія прыехалі з Вільні ФОТЫ і ВІДЭА

З Вільні ў Варшаву прыехалі 10 палітвязняў, якія пасля вызвалення вырашылі жыць у Польшчы. Сярод іх — Людміла Чэкіна, Павел Белавус, Яўген Юшкевіч і іншыя, піша «Белсат».

Блізкія сустракаюць вызваленых палітвязняў у Варшаве
Блізкія сустракаюць вызваленых палітвязняў у Варшаве. На здымку — Людміла Чэкіна. 18 верасня 2026 года. Фота: Рауль Дзюк / Белсат

Мікрааўтобусы з групай прыбылі да Цэнтра беларускай салідарнасці ў Варшаве каля 16:00. Сустракаць нядаўна вызваленых людзей сабраліся некалькі дзясяткаў чалавек з кветкамі, бел-чырвона-белым сцягам. Сярод тых, хто прыйшоў да месца прыбыцця, былі палітычны аналітык Арцём Шрайбман, вядомы беларускі этнограф, заснавальніка гурту Kasary і прытулку для рэпрэсаваных беларусаў у Варшаве «Дом творцаў» Сяржук Доўгушаў.

Прыйшла былая экс-палітзняволеная, галоўная рэдактарка Tut.by Марына Золатава, якая асабліва чакала вызвалення з калоніі сваёй каляжанкі, гендырэктаркі парталу Людмілы Чэкінай, разам з якой была затрыманая ў 2021 годзе.

Блізкія сустракаюць вызваленых палітвязняў у Варшаве, Польшча. На здымку — Павел Белавус. 18 верасня 2026 года. Фота: Рауль Дзюк / Белсат
Блізкія сустракаюць вызваленых палітвязняў у Варшаве, Польшча. На здымку — Павел Белавус. 18 верасня 2026 года. Фота: Рауль Дзюк / Белсат

Павел Белавус расказаў, што ў першыя дні ў Варшаве збіраецца сустрэцца са сябрамі, адпачыць і дачакацца сям'ю, а пасля «будаваць новае жыццё».

«Шчыра кажучы, да апошняга я быў у Беларусі і не планаваў зʼязджаць. Ну і планаваў, калі і пасадзяць — ну, на год, на два, а тут далі 13, з якіх я адсядзеў 5, і адправілі [з краіны]. Пакуль, я так разумею, шляху назад няма, — падзяліўся ён і з усмешкай дадаў, што першыя дні праходзяць у сустрэчах і размовах з блізкімі. — Хваля падтрымкі такая, што я зараз віленскую перажыў, зараз трэба варшаўскую. Усе кажуць, што варшаўская значна мацнейшая. Зараз трэба, каб не знесла і не зварʼяцеў».

Блізкія сустракаюць вызваленых палітвязняў у Варшаве, Польшча. На здымку — Павел Петручэня. 18 верасня 2026 года. Фота: Рауль Дзюк / Белсат
Блізкія сустракаюць вызваленых палітвязняў у Варшаве. На здымку — Павел Петручэня. 18 верасня 2026 года. Фота: Рауль Дзюк / Белсат

Як перадае рэдактарка «Белсата», з аўтобуса яго сустракалі словамі «Жыве Белавус!»

Культурніцкі менеджар і заснавальнік «Арт Сядзібы», крамы нацыянальнай сімволікі і сувеніраў Symbal.by, які шмат высілкаў прыклаў для таго, каб адраджаць беларушчыну ў краіне, расказаў, як пры гэтым адрэагаваў на прысуд аб здрадзе дзаржаве.

«Гэта трагедыя. У першую чаргу, у мяне здрада дзяржаве і «иные действия» — то бок за тое, што я супрацоўнічаў з замежнымі арганізацыямі, ЗША, Еўразвязам. Што ёсць, то і ёсць. Я ўжо забыўся пра ўсё гэта», — сказаў Белавус.

«Ці не збіраешся адыходзіць ад прасоўвання беларушчыны?» — запытаўся журналіст «Еўрарадыё» Зміцер Лукашук.

«Хутчэй за ўсё не. Хто мне дасць адысці… — з жартам адказаў Павел. — Тут усе мае дзеці і паплечнікі. Куды я адыду? Гэта ўжо маё жыццё».

З Вільні, куды 25 чалавек 16 верасня пры дапамозе ЗША вывезлі з Беларусі пасля вызвалення, у Польшчу вырашылі пераехаць 10. Яны плануюць падацца на міжнародную абарону і пачаць легалізацыю. Яшчэ 13 чалавек застануцца ў Літве, двое паедуць у іншыя краіны, тлумачылі ў Офісе Ціханоўскай.

На тое, каб частка былых палітвязняў змагла прыехаць у Польшчу, Павел Латушка прасіў згоды ў прадстаўнікоў МЗС гэтай краіны.

Каментары

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны21

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Літва заклікала прызнаць ГРУ тэрарыстычнай арганізацыяй9

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць15

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай29

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі13

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 21

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны21

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць