Вайна11

Спікер МЗС Украіны — пра рэтранслятары на тэрыторыі Беларусі і каліноўцаў у расійскім палоне

Таксама Георгій Ціхі расказаў пра тое, які лёс можа чакаць беларусаў, што пайшлі ваяваць за Расію і трапілі ў палон да ўкраінскіх вайскоўцаў.

Прэс-сакратар Міністэрства замежных спраў Украіны Георгій Ціхі. Фота: Press Office of the Ministry of Foreign Affairs of Ukraine

Прэс-сакратар Міністэрства замежных спраў Украіны Георгій Ціхі падчас Форуму Астрожскіх пракаментаваў «Белсату» працу рэтранслятараў на тэрыторыі Беларусі і сітуацыю з беларускімі добраахвотнікамі ў расійскім палоне.

Пра рэтранслятары

Цягам мінулага і бягучага тыдняў на тэрыторыі Беларусі ўкраінскія маніторынгавыя каналы выявілі працу адразу чатырох рэтранслятараў, якія забяспечваюць кіраванне рэактыўнымі беспілотнікамі. Дзякуючы ім расійскія аператары маглі ў рэжыме рэальнага часу наводзіць дроны на цягнікі і заправачныя станцыі на тэрыторыі Украіны, каля самай польскай мяжы.

Рэтранслятары зафіксаваныя ў раёнах населеных пунктаў Хойнікі, Дзербінка, Махнавічы і Буда-Сафіеўка. Разгорнутая сетка істотна павялічыла далёкасць палёту беспілотнікаў і дазволіла ім дабірацца ажно да мяжы з Польшчай.

Георгій Ціхі пацвердзіў, што рэтранслятары на тэрыторыі Беларусі адключаліся ў чэрвені пасля таго, як Уладзімір Зяленскі агучыў свой ультыматум, а цяпер зноў з’явіліся паведамленні пра іх працу.

«Насамрэч рэтранслятары, пра якія казаў прэзідэнт Зяленскі ў чэрвені, пасля гэтага адключаліся. Мы сапраўды бачым цяпер розныя паведамленні пра тое, што, магчыма, некаторыя рэтранслятары зноў пачалі працаваць, але я перакананы, што праз пэўны час яны таксама мусяць быць выключаныя. І наколькі я ведаю ад нашых вайскоўцаў, мы насамрэч на такое развіццё падзеяў і разлічваем».

Пра беларусаў у расійскім палоне

Прэс-сакратар МЗС распавёў, што Украіна намагаецца вяртаць з расійскага палону як украінскіх вайскоўцаў, так і беларускіх добраахвотнікаў, якія ваявалі ў складзе ЗСУ. Беларусы ёсць у спісах палонных.

«Гэта значыць, мы іх разглядаем як украінскіх вайскоўцаў незалежна ад грамадзянства і настойваем на вяртанні», — падкрэслівае Ціхі.

Калі ж беларус ці грамадзянін іншай краіны ваюе на баку Расійскай Федэрацыі і трапляе ў палон ва Украіне будучыня яго можа быць рознай, і міжнароднае гуманітарнае права дазваляе розныя сцэнарыі развіцця падзеяў.

«Напрыклад, трапляе да нас у палон грамадзянін краіны Афрыкі, і ён кажа, што не хоча вяртацца ў Расію, а хоча быць рэпатрыяваным, вернутым у сваю краіну. Гэта адзін з магчымых варыянтаў развіцця падзеяў, асабліва калі звяртаецца замежная краіна і просіць вярнуць такога грамадзяніна. Таму могуць быць нават нейкія формы, калі гэты чалавек не вяртаецца ні туды, ні туды», — тлумачыць Ціхі.

Каментары1

  • Лён
    19.09.2026
    І чо? новава он сказал?

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?11

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

Як згуляць у GTA 6, калі жывеш у Беларусі3

З 1 студзеня днём рух грузавікоў па МКАД плануюць забараніць

Трамп і Пуцін сустрэліся на палях саміта АЦЭС3

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць