Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі

Генерал-маёр Павел Муравейка мае рэпутацыю цвердалобага нават па мерках цяперашняй сілавой вярхоўкі.

55‑гадовы Павел Муравейка нарадзіўся ў Мар'інай Горцы 26 верасня 1971 года. У 1992‑м скончыў Мінскае вышэйшае вайскова-палітычнае агульнавайсковае вучылішча. Пасля Муравейка паступіў у мінскую Вайсковую акадэмію, якую скончыў у 2001-м. Праз некалькі гадоў вучыўся ў Расіі — у Акадэміі Генштаба РФ. Скончыў яе ў 2008‑м з залатым медалём.

Муравейка займаў пасаду начальніка першага ўпраўлення Галоўнага вайсковага ўпраўлення Генштаба. У 2013‑м яго паставілі кіраваць Галоўным аператыўным упраўленнем і далі генеральскае званне.

У 2022‑м генерала перавялі на пасаду першага намесніка дзяржаўнага сакратара Рады бяспекі Беларусі. 

Ёсць у Муравейкі і расійская ўзнагарода. У 2019 годзе расійскі пасол Міхаіл Бабіч уручыў яму ордэн Дружбы.

Палітык Павел Латушка называў Муравейку разам з генералам Аляксандрам Вальфовічам расійскім лобі ў беларускім сілавым блоку. 

Павялічыць

Генштабам Муравейка кіраваў ад 2024 года. Там ён змяніў генерал-маёра Віктара Гулевіча, які, па нашай інфармацыі, у 2022 выступіў супраць удзелу беларускіх вайскоўцаў ва ўварванні ва Украіну.

У Генштабе Муравейку, у сваю чаргу, сёння змяніў генерал-маёр Уладзімір Белы. Белы зусім нядаўна, з 8 ліпеня 2026 года, працаваў намеснікам міністра абароны. Да таго ён галоўнае ўпраўленне баявой падрыхтоўкі Узброеных сілаў. 

Павялічыць

Нарадзіўся ён 17 лютага 1977 года ў вёсцы Мікалаеўшчына Стаўбцоўскага раёна. Выходзіць, ён зямляк Якуба Коласа.

Ён скончыў камандна-штабны факультэт Вайсковай акадэміі з адзнакай і залатым медалём. А пасля — факультэт Генеральнага штаба Узброеных Сіл Вайсковай акадэміі.

Службу праходзіў у 120 гв. мсд камандзірам мотастралковага ўзвода, роты;

пасля ў 120 гв. амбр ПЗАК: намеснік камандзіра асобнага мотастралковага батальёна;

намеснік начальніка штаба — начальнік аператыўнай групы, камандзір механізаванага батальёна асобнай гв. механізаванай групы, камандзір асобнага гвардзейскага механізаванага батальёна; намеснік камандзіра, начальнік штаба — першы намеснік камандзіра 19 амбр;

начальнік штаба — першы намеснік камандзіра 103 гв. амоббр; камандзір гв. апдбр;

намеснік камандуючага, начальнік штаба — першы намеснік камандуючага сіламі спецыяльных аперацый;

начальнік факультэта Генеральнага штаба Узброеных Сіл — намеснік начальніка Вайсковай акадэміі Рэспублікі Беларусь;

камандуючы Заходнім аператыўным камандаваннем.

У адрозненне ад Муравейкі, Уладзімір Белы ў Расіі не вучыўся.

• 1
• 0
• 0
• 0
• 0
• 0
• 0
• 0