Зяленскаму далажылі пра разбудову вайсковай інфраструктуры ў Беларусі
Прэзідэнт Украіны Уладзімір Зяленскі паведаміў пра даклад яму, зроблены выканаўцам абавязкаў кіраўніка Службы знешняй разведкі Украіны Алегам Лугаўскім. Сярод іншага нямала месца ў ім было прысвечана і беларускай праблематыцы.
«Асобна Алег Лугаўскі далажыў пра рэалізацыю пад відавочным расійскім уплывам у Беларусі мер па падрыхтоўцы да патэнцыйнага пашырэння агрэсіі супраць Украіны.
Уздоўж нашай дзяржаўнай граніцы ў Беларусі завяршаецца будаўніцтва інфраструктуры дарог і баз захоўвання боепрыпасаў ды паліўна-змазачных матэрыялаў, якія не маюць ніякага іншага сэнсу, акрамя вайсковага. Гэта прыгранічныя кірункі Кобрын — Ковель, Іванава — Маневічы, Лунінец — Сарны, Рэчыца — Корасцень і Гомель — Чарнігаў. Ведаем, што ў расійскіх дакументах гэта апісваецца менавіта ў кантэксце задач так званай «СВА».
Беларусь атрымала ад Украіны неабходныя сігналы адносна такой дзейнасці, а таксама і адносна ўсіх іншых фарматаў яе калабарацыі з Расіяй у інтарэсах зацягвання і маштабавання вайны. Беларусь ведае, якія крокі патрэбны з яе боку для міру.
Разбудова прыгранічнай інфраструктуры агрэсіі з боку Беларусі павінна быць спынена. Крокі, накіраваныя на дээскалацыю і мір, павінны быць зробленыя менавіта беларускім бокам», — напісаў Уладзімір Зяленскі.
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
Лукашэнка загадаў прапускаць у Беларусь украінскіх грыбнікоў і ягаднікаў. Ва Украіне адрэагавалі
Лукашэнка назваў украінскія войскі на мяжы з Беларуссю «механізатарамі і даяркамі»
Дзяржпрэса выдаліла тэкст хамскага выступлення пасла Дапкюнаса ў АБСЕ
«Трымайце сваіх кіеўскіх гадаванцаў пад кантролем». Прадстаўнік Беларусі ў АБСЕ выступіў з хамскай прамовай
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?21
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары