Дзяржсакратар ЗША падкрэсліў, што калі б на Алясцы ўдалося дасягнуць дамоўленасці, то баявыя дзеянні ўжо былі б спыненыя.
На саміце прэзідэнтаў Расіі і ЗША на Алясцы ў жніўні мінулага года абмяркоўваліся «прапановы, але не было дамоўленасцяў», — заявіў сёння дзяржсакратар ЗША Марка Рубіа.
«Мы гатовы зрабіць крок наперад і адыграць канструктыўную ролю, калі ў нас будзе такая магчымасць, аб’яднаць бакі і пакласці канец гэтай вайне. Гэта тое, што прэзідэнт спрабаваў зрабіць на працягу паўтара года», — адзначыў ён.
Рубіа падкрэсліў, што калі б на Алясцы ўдалося дасягнуць дамоўленасці, то баявыя дзеянні ўжо былі б спыненыя.
Двума днямі раней, 23 чэрвеня, намеснік міністра замежных спраў Расіі Сяргей Рабкоў заявіў, што Масква заўважае адыход Вашынгтона ад «базавых разуменняў», дасягнутых прэзідэнтамі Уладзімірам Пуціным і Дональдам Трампам у Анкорыджы.
Каментары