Беларускі прадпрымальнік распрацаваў бясплатныя мабільны і вэб-дадатак «Кабінка», якія дапамагаюць знаходзіць грамадскія прыбіральні ў Мінску. Сэрвіс даступны на iOS, Android, у вэб-версіі, а таксама праз тэлеграм-бота, піша Onliner.by.
У дадатку карыстальнікі могуць убачыць размяшчэнне бліжэйшых прыбіральняў, фотаздымкі і апісанне зручнасцяў. Для тых, хто дрэнна арыентуецца ў горадзе, прадугледжаны рэжым компаса, а турысты могуць карыстацца картай нават без доступу да інтэрнэту.
Паводле слоў стваральніка праекта Яўгена Шапашнікава, ідэя ўзнікла з асабістага досведу і назіранняў за навакольнымі.
— Насамрэч у мяне было тры прычыны. Першая звязана з маімі бацькамі, якія заўсёды гулялі недалёка ад дома і баяліся адыходзіць далей. Я казаў ім: ідзіце ў парк, прагуляйцеся. Але аказалася, што яны проста не ведаюць, дзе знаходзяцца прыбіральні, і таму не хочуць далёка адыходзіць. Потым сябры расказалі, што ў іх бацькоў такая ж праблема, — падзяліўся ён.
Другой прычынай для стварэння сэрвісу сталі масавыя мерапрыемствы і наплыў турыстаў.
— Падчас дзяржаўных свят у горад прыязджае шмат людзей з рэгіёнаў. Часта можна ўбачыць, што заняты ўсе кусты, хоць людзі проста не ведаюць, што за 200—300 метраў ад іх ёсць прыбіральня, — адзначыў распрацоўшчык.
Трэцяя прычына аказалася звязанай з яго ўласнымі звычкамі.
— Я стараюся праходзіць па 20 тысяч крокаў за дзень і п’ю каву літрамі, таму для мяне самога гэтая праблема вельмі актуальная, — сказаў Шапашнікаў.
Распрацоўшчык спадзяецца, што дадатак дапаможа знізіць колькасць канфліктаў паміж наведвальнікамі і ўстановамі. Уладальнікі кавярняў, рэстаранаў і іншых аб’ектаў могуць самастойна дадаваць інфармацыю пра свае прыбіральні і пазначаць, ці даступныя яны толькі для кліентаў, ці адкрыты для ўсіх ахвотных.
Яўген расказвае, што на саму распрацоўку дадатку спатрэбіўся ўсяго тыдзень. Тэхнічная частка праекта была створана з дапамогай нейрасетак і інструментаў так званага «вайб-кодынгу». Пры гэтым значна больш часу заняло напаўненне базы даных.
— Каля месяца я асабіста абыходзіў горад і збіраў інфармацыю прыкладна пра 300 прыбіральняў. Фіксаваў інфраструктуру, наяўнасць доступу для людзей з інваліднасцямі і другімі асаблівасцямі
Каментары
На перспектыву лепш дапоўніць слой туалетаў на OSM (не на расейскім Яндэксе). А шукаць і паказваць можна ўжо ў іншых праграмах і сайтах на выбар карыстальніка.