«Тое, што яны робяць, гэта і адпавядае інтарэсам». Пазняк пахваліў Лукашэнку ў сітуацыі з ультыматумам Зяленскага
Ветэран беларускага руху Зянон Пазняк заявіў у каментары тэлеканалу «Белсат», што пагрозы прэзідэнта Украіны Уладзіміра Зяленскага самастойна прыбраць рэтранслятары каля мяжы з Беларуссю памылковыя, а ўлады ў Мінску слушна робяць, што ніяк на гэта не рэагуюць.
Зянон Пазняк упэўнены, што Масква, якая намагаецца ўцягнуць Беларусь у вайну, можа выкарыстаць пагрозы Уладзіміра Зяленскага на сваю карысць:
«Гэта дастаткова сур'ёзна, бо фактычна гэтая заява, вельмі неабдуманая, памылковая, дае магчымасць расейцам выкарыстаць гэта. І, напэўна, пра гэта будуць гаварыць, як скарыстаць гэтую заяву: альбо пачакаць, пакуль украінцы дойдуць да розуму і самі зробяць нешта, хаця я сумняваюся, там людзі разумныя, не думаю, што так будзе; альбо будзе абмяркоўвацца пытанне, што павінна зрабіць Расея, якая правакацыя павінна ісці. Лукашэнка павінен гэта ведаць, агульная палітыка цяпер у іх».
Пазняк таксама сказаў, што не звяртаць увагі на пагрозы з Кіева — самае слушнае, што можна зрабіць. Гэта адпавядае нацыянальным інтарэсам Беларусі, лічыць палітык:
«Тое, што яны робяць, гэта і адпавядае інтарэсам: яны проста не звяртаюць на гэта ўвагі. Я думаю, яны цудоўна разумеюць, што гэта такое, і паўтараю: яны ў Маскве абмяркоўваюць, як выкарыстаць гэтую памылку, памылку Зяленскага».
Раней прэзідэнт Украіны Уладзімір Зяленскі заявіў, што, па інфармацыі ўкраінскіх вайскоўцаў і разведчыкаў, рэтранслятары ў Беларусі, якія дапамагалі расійскім дронам атакаваць Украіну, перасталі працаваць з 22 чэрвеня.
Зяленскі: Рэтранслятары прыпынілі працу
Пасля ўльтыматуму Зяленскага рэтранслятары адключылі? Апошнія дні расійскія беспілотнікі не накіроўваюцца ўздоўж беларуска-ўкраінскай мяжы
Севярынец пра ўльтыматум Зяленскага: За пару дзён можам апынуцца ў сітуацыі, якую яшчэ нядаўна лічылі малаймавернай
Лукашэнка заклікаў жыхароў Гомельшчыны не хвалявацца з-за ўльтыматуму Зяленскага адносна рэтранслятараў
Ніводзін лукашэнкаўскі СМІ і канал не выкарыстаў слова «рэтранслятары». Што гэта можа азначаць?
Статкевіч заклікаў Лукашэнку не збіваць украінскіх дронаў, калі яны будуць ляцець на расійскія рэтранслятары
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў46
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары
Зянон не ведаў.
А калі б ведаў, то адказ быў бы іншы)