Z zachadu, z Atłantyki na Biełaruś ruchajecca chvala ciopłaha, vilhotnaha pavietra.
Jak prahnazujuć sinoptyki, u aŭtorak pad viečar jano dasiahnie Bresta i Hrodna. Ad sierady jano achutaje centr krainy. A ŭ čaćvier raspaŭsiudzicca i na vieś uschod.
Plusavyja tempieratury pratrymajucca ad čatyroch da šaści dzion. Na piku adlihi pavietra prahrejecca da plus 6 u Minsku i Viciebsku, plus 7 u Breście, plus 5 u Homieli, Mahilovie i plus 3 u Hrodna.
Pryčym plus budzie trymacca jak udzień, tak i ŭnačy, čakajecca niekalki daždžoŭ, budzie pachmurna.
Heta pryviadzie da rastavańnia śniehu i, samaje prykraje, da ŭsplosku virusnych infiekcyj, u tym liku hrypu, što sioleta pryjšoŭ da nas ź Jeŭropy. Varta raspłanavać žyćcio tak, kab u čas adlihi dobra vysypacca, minimalna karystacca hramadskim transpartam, nie chadzić u kramy ŭ hadziny pik. A taksama padabrać stravy tak, kab źjadać štodzień trochi vitaminaŭ i fitancydaŭ.
Kamientary