Biełaruś pakul nie budzie zabaraniać ukrainskija cukierki śledam za Rasijaj
Pra heta ŭ «Kamsamolskaj praŭdzie ŭ Biełarusi» paviedamiŭ hałoŭny dziaržaŭny sanitarny doktar, namieśnik ministra achovy zdaroŭja Ihar Hajeŭski.
«Ciapier pa vynikach nahladnaj dziejnaści orhanaŭ i ŭstanovaŭ sanitarna-epidemijałahičnaj słužby padstavy dla ŭviadzieńnia abmiežavalnych mier u dačynieńni da pradukcyi ŭkrainskaj firmy Roshen z boku ministerstva adsutničajuć», — skazaŭ jon.
Biełaruś budzie praviarać pradukcyju «Rašen» jašče tydzień, i tady prymie kančatkovaje rašeńnie.
Jak paviedamlałasia, zabaronu na pastaŭki ŭ Rasiju pradukcyi kampanii «Rašen» — adnaho z najbujniejšych vytvorcaŭ kandytarskich vyrabaŭ va Ukrainie — uvioŭ Raśsielhasnahlad. Pa słovach kiraŭnika Raśsielhasnahladu Aniščanki, ekśpiertyza ŭkrainskich słodyčaŭ nibyta pakazała, što kandytarskija vyraby «nie adpaviadajuć zajaŭlenym paramietram». U pryvatnaści, raspavioŭ Aniščanka, u šakaładzie małočnym «Rašen» byŭ znojdzieny bienzapiren.
Cikava, što ŭłady Kazachstana, Małdovy, Tadžykistana nijakha bienzapirenu va ŭkrainskaj sałodkaj pradukcyi nie vyjavili. Naadvarot, časami rehistrujucca narakańni na jakaść rasijskich praduktaŭ.
U minułym Rasspažyŭnahlad nie raz vykarystoŭvaŭsia ŭ palityčnych metach. Pad jaho zabaronu traplali biełaruskaje małako, małdaŭskija viny, hruzinskaja baržomi — pradukcyja najlepšaj jakaści, lepšaja za rasijskija anałahi. Paśla ŭrehulavańnia kanfliktaŭ pradukcyja adrazu pierastavała być niajakasnaj i viartałasia na rasijski rynak.
Adnačasova sa słodyčami Maskva pastaviła barjery na šlachu impartu ŭkrainskich trub. Na dumku naziralnikaŭ, ciapier Maskva choča sarvać padpisańnie damovy pra asacyjacyju miž Ukrainaj i Jeŭrasajuzam.
Pytańnie, ci dałučycca Biełaruś da Kramla ŭ cisku na Ukrainu, maje istotnaje palityčnaje značeńnie.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja8
Kamientary