U spažyŭcoŭ jość vialiki šaniec saskočyć na chimiju, u raspaŭsiudnikaŭ amal biez varyjantaŭ kałonija.
Za pieršaje paŭhodździe 2026 hoda ŭ Biełarusi za złačynstvy, źviazanyja ź niezakonnym abarotam narkotykaŭ (art. 327—331, 332 KK), asudzili 1039 čałaviek. Heta 8,2% ad usich asudžanych u krainie, paviedamlaje Viarchoŭny sud.
Pry hetym kolkaść asudžanych za narkotyki skaračajecca. Asudzili na 4,9% mienš, čym za toj ža pieryjad 2025 hoda.
Karcina dzielicca na dźvie pryncypova roznyja častki: tych, kaho asudzili za zachoŭvańnie «biez mety zbytu» (spažyvańnie, č. 1 art. 328), i tych, kaho pryznali vinavatymi ŭ zbycie (č. 2—5 art. 328).
Za spažyvańnie — čaściej chimija
Pa č. 1 art. 328 KK asudzili 666 čałaviek. Tut pakarańni prykmietna miakčejšyja.
Bolšaści spažyŭcoŭ — 467 čałaviekam (70,1%) — pryznačyli abmiežavańnie svabody, tuju samuju chimiju. U hetaj ličbie razam i chimija z nakiravańniem, i chatniaja chimija.
U kałoniju adpravili 69 čałaviek, ci 10,4%.
Jašče 31 čałaviek (4,7%) atrymaŭ aryšt, adnamu pryznačyli štraf, a 98 čałaviek (14,7%) abyšlisia inšymi mierami — adterminoŭkaj, umoŭnym nieprymianieńniem pakarańnia ci asudžeńniem biez pryznačeńnia pakarańnia.
Siarod asudžanych za spažyvańnie było 8 niepaŭnaletnich (letaś — 13). Siamiora ź ich atrymali chimiju, adzin — adterminoŭku. U kałoniju za spažyvańnie nie trapiŭ nichto z padletkaŭ.
Za zbyt — amal zaŭsiody kałonija
Zusim inšaja łohika dziejničaje dla tych, kaho asudzili za zbyt narkotykaŭ (č. 2—5 art. 328 KK). Takich było 314 čałaviek.
Tut realnaje pazbaŭleńnie svabody atrymali 295 čałaviek — 93,9%. Tolki 19 čałaviekam (6,1%) pryznačyli abmiežavańnie svabody. 10 ź ich zastalisia na chatniaj chimii, 9 atrymali nakiravańnie va ŭstanovu adkrytaha typu.
Top-10 kryminalnych artykułaŭ, pa jakich čaściej za ŭsio sudziać biełarusaŭ
Dyrektara minskaha taksaparka zatrymali za raspaŭsiud narkotykaŭ
U rasijskaj kałonii zatrymali kata-narkakurjera
Biełaruskaja dyzajnierka jechała ŭ padarožža ŭ Hruziju — ale na trasie pad Varoniežam jaje zatrymali z narkotykami
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ2
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Riealii druhije, jeśli kurili krivoj kosiak vdvojom to odin 110% pojdiot kak rasprostranitiel.