Milicyja zabłakavała Majdan u Kijevie, napružanaść dasiahnuła apahieja — fotarepartaž
Milicyja ŭ Kijevie ŭžyvaje taktyku ŭdušeńnia.
Zakryty kramy i kaviarni ŭ zonie Majdanu. Abaroncaŭ barykad nie zatrymlivajuć, ale ŭ ich zabrali bijatualety i abmiežavali padvoz vady i praduktaŭ.
Samaabaronu Majdanu śpiecnaz biez asablivaj ciažkaści z barykadaŭ adsunuŭ.
250 siabroŭ pravaj partyi «Svaboda» najdaŭžej trymali błakpost kala Administracyi prezidenta.
Traktary kamunalnikaŭ raściahvajuć barykady litaralna za chvilinu.
Demanstrantaŭ akazałasia zamała, kab zapoŭnić takuju vialikuju prastoru. Na kožnaj z barykad byli dziasiatki i sotni, ale nie tysiačy ludziej.
Śpiecsłužby i asoby ŭ cyvilnym («cituški») pabyvali siońnia ŭ ofisie hałoŭnaj apazicyjnaj partyi «Baćkaŭščyna» i na adzinym apazicyjnym Piatym kanale.
Na samim Majdanie ŭviečary znoŭ sabralisia tysiačy ludziej, niahledziačy na mocny śnieh.
Tym nie mienš, na barykadach učorašniaja ejfaryja ŭ Kijevie źmianiłasia pačućciem biezdapamožnaści.
Zastajecca adkrytym pytańnie, ci dziejańni milicyi vykličuć masavuju mabilizacyju zaŭtra abo ŭ nastupnyja vychodnyja. Siońnia Janukoviču ŭdałosia lohka prademanstravać, jak jon moža strymać pratestoŭcaŭ i likvidavać Majdan. Adnak pry sprobie ŭvajści na sam Majdan śpiecnaz sutykniecca z adčajnym supracivam moładzi.
Vice-prezident ZŠA, staršynia Jeŭrakamisii i ministry zamiežnych spravaŭ jeŭrapiejskich dziaržavaŭ siońnia zaklikali ŭkrainskija ŭłady ŭstrymacca ad užyvańnia siły. A namieśnica sakratara Dziarždepartamienta Nułand praviała pieramovy ŭ Maskvie pa ŭkrainskim pytańni.
Zaŭtra Nułand, a taksama kiraŭnica jeŭrapiejskaj dypłamatyi Eštan prybyvajuć u Kijeŭ. Jeŭropa zaklikaje da praviadzieńnia kruhłaha stała ŭładaŭ i apazicyi.
Kali Janukovič i pojdzie na pieramovy, to ŭ paniadziełak jon prademanstravaŭ, što budzie ich vieści z pazicyi siły.
…Zaśniežany, atočany, adrezany Majdan u paniadziełak uviečary nahadaŭ maroznuju biełaruskuju Płošču 2006-ha.
Praŭda, u Minsku tady było mienš šmatludna i ludziej aryštoŭvali sotniami — brali kožnaha, chto nios u namiotavaje miastečka pradukty i ciopłyja rečy. Ale adčajnaść, achviarnaść i drama — tyja ž.
* * *
Hałoŭnaje biełaruskaje skandavańnie — «Žyvie Biełaruś!». Ukrainskaje — «Słava Ukrainie! Hierojam słava!»
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary