Міліцыя заблакавала Майдан у Кіеве, напружанасць дасягнула апагея — фотарэпартаж
Міліцыя ў Кіеве ўжывае тактыку ўдушэння.
Закрыты крамы і кавярні ў зоне Майдану. Абаронцаў барыкад не затрымліваюць, але ў іх забралі біятуалеты і абмежавалі падвоз вады і прадуктаў.
Самаабарону Майдану спецназ без асаблівай цяжкасці з барыкадаў адсунуў.
250 сяброў правай партыі «Свабода» найдаўжэй трымалі блакпост каля Адміністрацыі прэзідэнта.
Трактары камунальнікаў расцягваюць барыкады літаральна за хвіліну.
Дэманстрантаў аказалася замала, каб запоўніць такую вялікую прастору. На кожнай з барыкад былі дзясяткі і сотні, але не тысячы людзей.
Спецслужбы і асобы ў цывільным («цітушкі») пабывалі сёння ў офісе галоўнай апазіцыйнай партыі «Бацькаўшчына» і на адзіным апазіцыйным Пятым канале.
На самім Майдане ўвечары зноў сабраліся тысячы людзей, нягледзячы на моцны снег.
Тым не менш, на барыкадах учорашняя эйфарыя ў Кіеве змянілася пачуццем бездапаможнасці.
Застаецца адкрытым пытанне, ці дзеянні міліцыі выклічуць масавую мабілізацыю заўтра або ў наступныя выходныя. Сёння Януковічу ўдалося лёгка прадэманстраваць, як ён можа стрымаць пратэстоўцаў і ліквідаваць Майдан. Аднак пры спробе ўвайсці на сам Майдан спецназ сутыкнецца з адчайным супрацівам моладзі.
Віцэ-прэзідэнт ЗША, старшыня Еўракамісіі і міністры замежных справаў еўрапейскіх дзяржаваў сёння заклікалі ўкраінскія ўлады ўстрымацца ад ужывання сілы. А намесніца сакратара Дзярждэпартамента Нуланд правяла перамовы ў Маскве па ўкраінскім пытанні.
Заўтра Нуланд, а таксама кіраўніца еўрапейскай дыпламатыі Эштан прыбываюць у Кіеў. Еўропа заклікае да правядзення круглага стала ўладаў і апазіцыі.
Калі Януковіч і пойдзе на перамовы, то ў панядзелак ён прадэманстраваў, што будзе іх весці з пазіцыі сілы.
…Заснежаны, аточаны, адрэзаны Майдан у панядзелак увечары нагадаў марозную беларускую Плошчу 2006-га.
Праўда, у Мінску тады было менш шматлюдна і людзей арыштоўвалі сотнямі — бралі кожнага, хто нёс у намётавае мястэчка прадукты і цёплыя рэчы. Але адчайнасць, ахвярнасць і драма — тыя ж.
* * *
Галоўнае беларускае скандаванне — «Жыве Беларусь!». Украінскае — «Слава Украіне! Героям слава!»
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары