Ciapier u Jeŭropie łamajuć hałavu, čym zamianić draŭninny dym.
Vendžanyja kiłbasy, miasa, sała ŭtrymlivajuć kancerahieny — rečyvy, jakija vyklikajuć rak. Jany asadžvajucca na praduktach z draŭninnaha dymu. Pra heta daktary viedali daŭno, ale ciapier Jeŭrasajuz zrabiŭ z hetaha praktyčnyja vysnovy. Praz 9 miesiacaŭ viandliny buduć zabaronienyja da prodažu. Heta častka šyrokaj kampanii, skiravanaj na źnižeńnie kolkaści ankałahičnych zachvorvańniaŭ. U tym ža rečyščy viadziecca zmahańnie z kureńniem i zabrudžvańniem pavietra.
Hiedrus Sudykas, kiraŭnik Adździeła druku i infarmacyi pradstaŭnictva Jeŭrapiejskaj Kamisii ŭ Litvie, skazaŭ, što byŭ ustalavany trochhadovy pierachodny pieryjad, jaki skončycca 1 vieraśni 2014, piša litoŭskaja hazieta Lietuvos žinios.
Vendžańnie miasa — staradaŭni pryjom, častka ahulnajeŭrapiejskaj kulturnaj spadčyny. Kumpiak, kiłbasy asabliva papularnyja na ŭschodzie Jeŭropy. Mienavita tamu Polšča, adzin z najbolšych vytvorcaŭ viandlin, vystupała suprać zabarony. Adnak nijakaja inšaja kraina jaje nie padtrymała.
Raźvićcio viedaŭ čałaviectva mianiaje i zvyčki.
Jeŭrakamisija ciapier abmiarkoŭvaje, ci mahčyma źmiakčyć ažyćciaŭleńnie patrabavańniaŭ, kab viandliny nie źnikli jak vid. Buduć šukać novyja sposaby vendžańnia ci paślaviandlinnaj apracoŭki praduktaŭ. Ale zaraz sami vytvorcy pavinny buduć dakazvać, što ŭ ich vendžanym miasie niama niebiaśpiečnych dla zdaroŭja rečyvaŭ.
Apytanka
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»2
Kamientary