Daktary ŭ Biełarusi staviacca z asablivaj naściarožanaściu da ciapierašniaha siezona hrypu. Pra heta paviedamiŭ doktar-infiekcyjanist Minskaj haradskoj kliničnaj infiekcyjnaj balnicy Mikita Sałaviej.
Pa słovach Mikity Sałaŭja, ciapier šyroka raspaŭsiudžvajecca subkład K virusa hrypu A (H3N2), viadomy jak «hankonhski hryp». Heta nie zusim novy virus, a źmienienaja viersija ŭžo viadomaha hrypu, jaki vyklikaje siezonnyja ŭspyški štohod.
Doktar tłumačyć, što virus hrypu pastajanna muciruje, i kali nazapašvajecca šmat źmien, źjaŭlajecca asobny varyjant. U subkłada K vyjaŭlena kala dziesiaci mutacyj u białku, jaki raspaznajecca imunnaj sistemaj.
H3N2 i raniej časta pryvodziŭ da bolš ciažkaha praciakańnia chvaroby, a sioleta ŭ niekatorych krainach siezon hrypu pačaŭsia raniej, čym zvyčajna. Asabliva ciažka pieranosiać zachvorvańnie dzieci, ludzi z chraničnymi chvarobami i pažyłyja, što vyklikaje zaniepakojenaść miedykaŭ.
Razam z tym doktar padkreślivaje, što vakcynacyja zastajecca efiektyŭnaj. U skład vakcyn uvachodzić kampanient H3N2, i navat pry źmienach virusa pryščepka źnižaje ryzyku ciažkaha praciakańnia chvaroby i raźvićcia ŭskładnieńniaŭ.
Kali čałaviek zachvareŭ, Mikita Sałaviej raić nie pieranosić hryp «na nahach» i zastavacca doma pry źjaŭleńni simptomaŭ. Važna vykonvać reśpiratornuju hihijenu — pravietryvać pamiaškańni, nasić masku ŭ hramadskich miescach, prykryvać rot pry kašli i čchańni, a taksama časta myć ruki.
Akramia taho, varta abmiežavać fizičnyja nahruzki, pić dastatkova vadkaści ciaham dnia, a pry vysokaj tempieratury (zvyš 38—38,5°C) prymać žarapanižalnyja srodki. Ludziam z hrup ryzyki asabliva važna svoječasova źviartacca da doktara.
Telefonnyja machlary pačynajuć zvanić ad imia paliklinik, pałochajučy epidemijaj hrypu
Jak adroźnić hryp ad prastudy i što za «hankonhski» virus?
U Biełarusi nazirajecca rost zachvorvańniaŭ na hryp i VRI
Dziasiatki krain achapiła novaja chvala hrypu, pryjšoŭ novy niebiaśpiečny štam
Čym kavid adroźnivajecca ad prastudy, kali biehčy da doktara, a kali možna lačycca doma — top parad ad terapieŭta na pieryjad prastud
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary