Vystava płakatu «JAZZ. BLUES. ROCK. FUSION», arhanizavanaja Polskim instytutam u Minsku, adkryjecca 13 maja a 17.00 u Minskaj haradskoj ratušy (pł. Svabody, 2A).
Na vystavie pradstaŭleny pracy z kalekcyi majsterni płakata Akademii vyjaŭlenčaha mastactva ŭ Katavicach, jakija źjaŭlajecca zboram płakataŭ dla rekłamy muzyčnych padziej pad znakam bluzu, džazu i roku. Praŭda, hetyja płakaty nie adnosiacca niepasredna da samoj źjavy «FUSION» u muzycy, heta chutčej spałučeńnie žanraŭ, tvorčych indyvidualnaściej, technik – svojeasablivaja hrafičnaja impravizacyja, natchnionaja muzykaj, jakoj zachaplajucca aŭtary płakataŭ. Adsiul nazva «JAZZ. BLUES. ROCK. FUSION».
Siarod pradstaŭlenych prac jość stvoranyja pa kankretnych zamovach – muzyčnyja padziei, kancerty, fiestyvali, a taksama płakaty, što źjaŭlajucca daninaj tvorcaŭ lubimym muzykantam, muzyčnym filmam ci hurtam.
Na vystavie ekspanujucca pracy tvorcaŭ, jaki pradstaŭlajuć čatyry pakaleńni polskaha płakata – ad majstroŭ polskaj škoły płakata da najmałodšaha pakaleńnia mastakoŭ. Hości ŭbačać płakaty Valdemara Śviežaha, Ramana Kałarusa, Moniki Starovič i Filipa Ciślaka.
Ciapier čytajuć
Skandał u połackaj škole: maci śćviardžaje, što jaje syna źbili na treniroŭcy pa dziudo — tak chłopca «vychoŭvaŭ» trenier11
Kamientary