30 červienia była aryštavanaja samaja viadomaja azierbajdžanskaja pravaabaronca — Lejła Junus. Joj vystaŭlenyja ciažkija abvinavačvańni: u dziaržaŭnaj zdradzie, machlarstvie, niezakonnym pradprymalnictvie, falšavańni dakumientaŭ i sychodzie ad padatkaabkładańnia. Abvinavačvańni vystaŭlenyja i jaje mužu Aryfu Junusu.
Junus uznačalvała Instytut miru i demakratyi, jaki, siarod inšaha, zajmaŭsia naładžvańniem kantaktaŭ miž Azierbajdžanam i Armienijaj.
2 žniŭnia byŭ aryštavany pravaabaronca Rasuł Džafaraŭ, kiraŭnik centra «Mastactva za demakratyju».
Jašče raniej, u mai, na piać hadoŭ turmy pa tych samych abvinavačvańniach, što i Džafaraŭ, byŭ asudžany Anar Mamadli, kiraŭnik centra, što zajmaŭsia nazirańniem na vybarach.
Situacyja z pravami čałavieka ŭ Azierbajdžanie zastajecca niahodnaj. Krainaj kiruje aŭtarytarny prezident Ilcham Alijeŭ, jaki atrymaŭ uładu paśla svajho baćki, Hiejdara Alijeva.
Kamientary