Simvał, što jadnaje ŭsich biełarusaŭ: šaścikancovy kryž Jeŭfrasińni VYJAVY
Jon ža varyjacyja kryža Jahiełonaŭ ci navat dachryścijanskaha symbala Jaryły.
U jakaści vodhuku na karysnuju inicyjatyvu «Art-Siadziby» nakont abjadnaŭčaha symbalu dla biełarusaŭ padumałasia voś što.
Biełarusy sapraŭdy majuć adzin symbal, jaki adnolkava biassprečna šanujecca i łukašenkaŭskaj uładaj, i Radaj BNR, i nacyjanalna śviadomaj častkaj hramadztva, i rusafilskimi hrupoŭkami, i katalikami, i pravasłaŭnymi. Pryčym heta symbal histaryčny, a nia prosta čarhovy busieł.
Hety symbal — šaścikancovy kryž, jaki źmiaščajecca na tarku vieršnika na «Pahoni».
Jon jadnaje dźvie hałoŭnyja histaryčnyja supolnaści Biełarusi, jon adnačasova moža być interpretavany jak symbal «litvinski» (u jakaści varyjacyi kryža Jahiełonaŭ) i symbal «rusinski» (u jakaści kryža Eŭfrasińni Połackaj); adnačasova jak symbal i katalicki, i pravasłaŭny.
Šaścikancovy jahiełonska-eŭfrasińnieŭski kryž — na emblemie biełaruskaha ekzarchatu Rasiejskaj Pravasłaŭnaj Carkvy:
Na najvyšejšaj carkoŭnaj uznaharodzie BPC:
Na emblemie «Maładoha Frontu»:
Na emblemie Biełaruskaha Narodnaha Frontu ŭ pačatku 90-ch:
Na emblemie lajalnaj da sučasnych biełaruskich i rasiejskich uładaŭ Federalnaj nacyjanalna-kulturnaj aŭtanomii «Biełarusy Rasiei»:
Na emblemie Biełaruskaha zhurtavańnia vajskoŭcaŭ pačatku 90-ch:
Na dziaržaŭnym hierbie Biełarusi ŭ 1991—1995 (vielmi pryhožaj formy, chacia koler ja b pamianiaŭ na čyrvony):
U staražytnaści (CHII st.):
Na navieršy dziaržaŭnaha ściahu ŭ 1991—1995:
Na sučasnych pamiatnych manetach:
Kali prasoŭvać jakiś symbal u jakaści ahulnanacyjanalnaha, ja b abraŭ mienavita hety: lakaničny, prosty (bo «Pahonia» choć i biassprečny nacyjanalny symbal numar adzin, ale jakasna namalavać jaje moža tolki čałaviek z paŭprafesijanalnymi mastackimi zdolnaściami) i pry hetym z hłybokimi biełaruskimi histaryčnymi karaniami.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary