Byłoha zienitčyka z Babrujska asudzili za palityku. Jon aktyŭny viernik-baptyst
Anatol Rybak, jaki ŭ minułym byŭ kadravym vajskoŭcam, a paśla adstaŭki sa słužby sprabavaŭ siabie ŭ biznesie i staŭ aktyŭnym viernikam, niadaŭna atrymaŭ prysud. Jaho abvinavacili ŭ «sadziejničańni ekstremisckaj dziejnaści».
Anatolu Rybaku 54 hady. Jon rodam ź vioscy Smalany Aršanskaha rajona, ale škołu skončyŭ u vioscy Dakol Hłuskaha rajona Mahiloŭskaj vobłaści.
U 1993 hodzie jon skončyŭ Minskaje vyšejšaje inžyniernaje zienitnaje rakietnaje vučylišča PVA i ŭ zvańni majora byŭ nakiravany ŭ 147‑y zienitny rakietny połk u Babrujsku (vajskovaja čaść 96869). Słužyŭ tam prynamsi da kanca nulavych, a paśla vyjšaŭ na piensiju.
Paśla zaviaršeńnia vajskovaj karjery Anatol sprabavaŭ adkryć svaju spravu: u žniŭni 2013 hoda zarehistravaŭ IP, śfierami dziejnaści jakoha paznačanyja techničnaje absłuhoŭvańnie i ramont kampjutarnaj techniki. Praŭda, biznes praisnavaŭ niadoŭha i ŭžo praź dziesiać miesiacaŭ pradprymalnictva było likvidavana. Paśla hetaha jon sprabavaŭ siabie ŭ roznych śfierach — naprykład, sietkavym markietynhu, a taksama zajmaŭsia technikaj jak najomny rabotnik.
Važnuju rolu ŭ žyćci Rybaka adyhryvaje relihija. Jon aktyŭny viernik «Carkvy Dabradziejnasci Haspodniaj» — adnoj z najstarejšych supołak jevanhielskich chryścijan-baptystaŭ u Babrujsku.
Suprać byłoha vajskoŭca raspačali kryminalnuju spravu pavodle č. 1 i 2 art. 361‑4 KK («Sadziejničańnie ekstremisckaj dziejnaści»). Padobna, što pieraśled źviazany sa spravaj Hajuna, ale dakładnyja abstaviny nieviadomyja.
Rybaka sudzili ŭ Mahiloŭskim abłasnym sudzie. Prysud — chimija z nakiravańniem ci kałonija. Doma Anatola čakaje žonka.
«Naša Niva» — bastyjon biełaruščyny
PADTRYMAĆ
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary
Kak praviło idut na ohłasku,kohda u koho-to podviazki i dieło pytajutsia zamiať.No kohda dieło zaminajut eto diskrieditirujet pravoochranitielnyje orhany i sistiemu,sozdajet oŝuŝienija biespravija i socialnoje napriažienije.
Da nu . Komu ty tiulku honiš ?
Vciełom v stranie nie do zakonov .