Aktyŭny cykłon «Uli» śmieła možna paraŭnoŭvać sa znakamitym cykłonam «Chaŭjer», jaki bušavaŭ nad Biełaruśsiu 15 sakavika 2013 hoda, piša telehram-kanał «Mieteavajb».
Pavodle danych artykuła «Klimatyčnyja asablivaści minułych zim u Biełarusi. Cykłon «Chaŭjer» Maryny Alaksandraŭny Maćviejenki, maksimalny pryrost śniežnaha pokryva za 14—16 sakavika 2013 hoda skłaŭ 20—32 sm, lidar — MS Paleskaja (1). A za pieryjad 8—10 studzienia 2026 hoda jon akazaŭsia bolšym — 20—34 sm, lidar — stancyja «Bierazino». Pry hetym pavieličeńnie śniežnaha pokryva na 10 sm i bolš zakranuła značnuju terytoryju.
Maksimalnaja kolkaść apadkaŭ za sutki 13 hod tamu, u sakaviku, skłała 37 mm — Mazyr i Lelčycy (4—5), a za 10 studzienia 2026 hoda— taksama 37 mm u Mahilovie (6—7). Adnak z ulikam dnia 9 studzienia i nočy na 11 studzienia sumarnaja kolkaść apadkaŭ u Mahilovie i Žłobinie skłała 43 i 41 mm adpaviedna (bolš za miesiačnuju normu).
Intensiŭnaść apadkaŭ za 12 hadzin u Chaŭjera była vyšejšaj. U Horkach vypała 26 mm, a ŭ Mahilovie 10 studzienia — 25 mm.
Akramia taho, Chaŭjer zapomniŭsia bolš mocnym vietram: Vałožyn, Vaŭkavysk — da 24 m/s. Maksimalnyja paryvy vietru pry prachodžańni Uli skłali 19 m/s — Ašmiany.
Biezumoŭna, hurby paśla prachodžańnia Chaŭjera byli vyšejšyja.
Maksimalnaja vyšynia śniežnaha pokryva 16 sakavika 2013 hoda dasiahała 50—61 sm, lidar — Mścisłaŭl.
Ale nie varta zabyvać pra bolš značnaje śniehanakapleńnie da prachodžańnia cykłona: u Minsku vyšynia śniežnaha pokryva ŭžo składała 46 sm.
Takim čynam, cykłon «Uli» abyšoŭ Chaŭjer pa kolkaści pryniesienych apadkaŭ i pavieličeńni vyšyni śniežnaha pokryva, ale pa intensiŭnaści apadkaŭ i chutkaści vietru Chaŭjer zastajecca na pieršym miescy.
Kamientary