Piać faktaŭ pra pres-sakratarku Łukašenki Natallu Ejsmant — šmat FOTA
apublikavana 6 listapada 2014 hoda
Alaksandr Łukašenka pryznačyŭ novuju kiraŭničku ŭłasnaj pres-słužby. Joj stała 30-hadovaja viadučaja Natalla Ejsmant. Darečy, z hetaj pasady svajo karjernaje ŭzvyšeńnie niekali pačała Natalla Piatkievič.
Viadučaja «Panaramy»
Praŭda, usim bolš viadomaje jaje dziavočaje proźvišča Natalli — Kirsanava. Mienavita pad takim imieniem jana viała prahramy «Panarama» i «Hałoŭny efiry» na telekanale «Biełaruś-1».
Natalla Kirsanava naradziłasia ŭ Minsku, skončyła Biełaruskuju dziaržaŭnuju akademiju mastactvaŭ, pa śpiecyjalnaści akciorka dramatyčnaha teatra i kino. Pracavała ŭ Teatry muzkamiedyi. «U teatr chadžu nie pa pracy, a dla dušy. Pieravahu addaju Kupałaŭskamu», — kaža Natalla.
Volna vałodaje biełaruskaj movaj
Natalla Kirsanava taksama viała biełaruskamoŭnuju pieradaču «Naviny rehijona». U intervju telekanału jana kazała, što pierachod na biełaruskuju movu nie byŭ lohkim. Kazała, što zajmałasia ź viadomym movaznaŭcam Uładzimiram Kulikovičam. «Kali pišu teksty, to dumaju vyklučna pa-biełarusku», — pryznavałasia žurnalistka.
Muž taksama na BT
Druhoj pałovaj Natalli Kirsanavaj źjaŭlajecca jašče adzin viadučy telekanała «Biełaruś» — Ivan Ejsmant. Tvorčy psieŭdanim — Ivan Michajłaŭ. Jon źjaŭlajecca viadučym pieradač «Hałoŭny efir» (časam jany z'ŭlalisia ŭ efiry razam z žonkaj) i «Sport-kadr». Jamu 37 hadoŭ. Skončyŭ Akademiju MUS. Adukacyja dazvoliła jamu peŭny čas papracavać u pieradačy «Zona Ch». Kaža, što pracavaŭ pazaštatnym karespandentam haziety «Priessboł», kali žyŭ niekalki hadoŭ u Hrodnie.
Varta adznačyć, što na BT taksama pracuje siastra Ivana — Hanna Ejsmant, viadučaja spartyŭnych navin.
Aktyŭnaja ŭ sacyjalnych sietkach
Natalla Kirsanava maje akaŭnt u fejsbuku, kudy vykładaje ŭ asnoŭnym ułasnyja fotazdymki. Źmiaščała spasyłku na artykuł «Post abažańnia Odry Chiepbiern». Siarod upadabańniaŭ — haziety «Antena» i «Kamsamolskaja pravda v Biełarusi», XXL Belarus, «Chudziej smačna», Viktoryi Bekchem, «Sakrety pośpiechu vialikich».
Taksama jana maje akaŭnt u «Adnakłaśnikach».
Kumiry — Džobs, Tetčer, Čerčyl
Kali ŭ Natalli Kirsanavaj zapytalisia, chto, na jaje dumku, samyja ŭpłyvovyja ludzi ŭ historyi, to adkaz byŭ: «Mnie na rozum adrazu prychodzić — Uinstan Čerčyl, mnie vielmi cikavy hety čałaviek, ź jahonymi afaryzmami». Siarod sučaśnikaŭ jana nazvała stvaralnika Apple Styva Džobsa. A siarod słavutych žančyn asablivaje miesca vyznačyła Andžalinie Džali i Marharet Tetčer.
Na pytańnie, čaho joj nie chapała na pracy na BT, adkazała: «Birulki ad hałoŭnaj parkoŭki». Mabyć, na novym miescy pracy prablem z parkoŭkaj u Natalli nie budzie.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary