Pieršaja łedzi Kitaja miakka spyniła Pucina VIDEA
Kitajskija ŚMI adcenzuravali kadry, jak prezident Rasii ŭkryvaje Pen Lijujań pledam.
Pieršaje praviła dypłamatyi hučyć jak «Nie čapaj žonki kalehi-prezidenta». Pucin parušyŭ jaho ŭ Piekinie.
U stalicy Kitaja adbyvajecca samit krain Azijacka-Cichaakijanskaha rehijona. Uviečary 10 listapada hości sabralisia ŭ Alimpijskim vodnym stadyjonie. Apranutyja jany byli ŭ kitajskija nacyjanalnyja stroi. Sprava ad kiraŭnika KNR Si Czińpinia pasadzili Abamu. Źleva siadzieła žonka Si, Pen Lijujań, a pobač ź joj — prezident Rasii.
Pakul Si razmaŭlaŭ z Abamam, Pucin abmianiaŭsia paraj słovaŭ z žonkaj haspadara. Ustaŭ, uziaŭ pled i dźviuma rukami nakryŭ im Pen.
Pieršaja łedzi Kitaja zreahavała imhnienna, choć i dypłamatyčna.
Jana miła, z uśmieškaj padziakavała Pucinu, ale ŭ tuju ž siekundu dazvoliła pledu saślizhnuć ź plačej u ruki pamočnika.
Videa i fota hetaha momantu ŭmomant stała chitom kitajskaha internetu, ale tolki na paru hadzin. Armija cenzaraŭ vycierła kadry z usich sajtaŭ i sacyjalnych sietak. Vidać, epizod paličyli nieadpaviednym reputacyi Staršyni Si.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary