«Kavaler ružy» zakranaje aktualnyja dla Ukrainy temy.
Biełaruski scenaryst, dramaturh i režysior Andrej Kurejčyk vypadkova daviedaŭsia, što kamiedyju «Kavaler ružy», napisanuju im pa matyvach libreta Huha fon Hofmanstala, stavić na ŭkrainskaj movie Łuhanski akademičny muzyčna-dramatyčny teatr. Premjera kamiedyi prajšła 27 sakavika, najbližejšy pakaz projdzie 30 maja.
Pa słovach Kurejčyka, dazvoł na pastanoŭku ŭ jaho nie pytali i aŭtarskich vypłataŭ jon nie čakaje. Ale jon i nie suprać hetkaj pastanoŭki.
«Nichto nie źviazvaŭsia, ja prosta internecie ŭčora znajšoŭ u repiertuary Łuhanskaha muzyčna-dramatyčnaha teatra pastanoŭku», — kaža Kurejčyk.
Heta nie pieršaja pastanoŭka pjesy, jaje staviła Valancina Jerańkova u Mahiloŭskim dramatyčnym teatry 11 hod tamu. U Łuhansku jaje stavić zasłužany artyst Ukrainy Anatol Javorski.
«Ja razumieju, čamu jana aktualnaja ŭ Łuhansku. Pjesa antyvajennaja takaja», — kaža Kurejčyk.
«Kavaler ružy» raspaviadaje pra Aŭstra-Vienhryju časoŭ Pieršaj suśvietnaj vajny. Pakul u Vienie arystakratyja baluje, na ŭskrainie impieryi idzie vajna. «Usio pytańnie ŭ tym, kaho adsyłajuć na hetuju vajnu, chto vierniecca z hetaj vajny… I ci musić pracavać Vienskaja opiera padčas vajny, ci nie musić. Nie viedaju, u jakim kantekście jana pastaŭlenaja ŭ Łuhanskim teatry», — zhadvaje pjesu režysior.
Niahledziačy na «pirackuju» pastanoŭku, Kurejčyk nie budzie vystupać suprać pastanoŭki.
«Niama nijakoha žadańnia ŭ mianie niejkuju zaklučać na hetym etapie damovu, atrymlivać hrošy… Chaj ihrajuć», — zajaviŭ Kurejčyk.
«Z adnoha boku, ja razumieju, što naohuł dziŭna, što teatr tam pracuje va ŭmovach faktyčna vajennych dziejańniaŭ, ja razumieju mužnaść artystaŭ ihrać hety śpiektakl. Ale z druhoha boku, mnie nie chočacca mieć damovu, u jakoj budzie napisana «ŁNR» ci niešta takoje», — śmiajecca jon.
Kurejčyk rady, što teatry na terytoryi, padkantrolnaj «ŁNR», naohuł dziejničajuć. «Ja pierakanany, što teatr zastajecca hetkaj addušynaj dla ludziej, u jakich žyćcio źviazanaje z pastajannaj niebiaśpiekaj, kali niama praduktaŭ, hrošaj, narmalnaha žyćcia», — kaža jon dy zhadvaje, što siońniašni Kupałaŭski teatr pracavaŭ i padčas niamieckaj akupacyi.
«Pry lubych uładach, pry lubych, choć samych strašnych vojnach, zvyčajnyja ludzi ciahnucca da niečaha śvietłaha, dobraha. Da muzyki, paezii, movy… Heta peŭnaja mužnaść samich artystaŭ», — zaklučaje dramaturh.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary