U niadzielu ŭviečary ŭ Łos-Andželesie (u Minsku była ranica paniadziełka) 68‑y raz byli abvieščanyja pieramožcy štohadovaj prestyžnaj muzyčnaj premii «Hremi».
Žury konkursu pryznała «Najlepšym albomam hoda» zbornik Debi Tirar Mas Fotos puertarykanskaha repiera Bad Bunny. Jon ža atrymaŭ uznaharodu i za najlepšy urban-albom.
Debi Tirar Mas Fotos uklučaje ŭ siabie roznyja elemienty puertarykanskaj muzyki i zakranaje aktualnyja prablemy vostrava, jaki znachodzicca pad kiravańniem ZŠA. Usie pieśni ŭ albomie vykananyja na ispanskaj movie.
U naminacyi «Najlepšy zapis» była adznačanaja kampazicyja Luther Kiendryka Łamara i śpiavački SZA.
Aŭtarkaj najlepšaha vakalnaha pop-alboma stała Łedzi Haha sa zbornikam Mayhem, a najlepšaha rep-alboma — taksama Kiendryk Łamar z GNX.
Hetyja statuetki stali 26‑j i 27‑j u jaho karjery — takim čynam, Łamar staŭ samym tytułavanym repieram u historyi «Hremi».
Najlepšym novym artystam nazvali 26‑hadovuju brytanku Aliviju Dzin.
Wildflower Bili Ajliš była abvieščanaja pieśniaj hoda.
Statuetku za najlepšaje solnaje pop-vykanańnie atrymała Łoła Janh ź pieśniaj Messy, a muzyčnym klipam hoda pryznali Anxiety śpiavački Doechii.
Bad Bunny — sceničny psieŭdanim Bienita Antonia Marciniesa Akasija, jamu 31 hod, jon repier, śpiavak, aŭtar piesień i akcior. Aproč repu i rehietonu ŭ svaich pieśniach jon taksama vykarystoŭvaje elemienty roku soŭłu. Samyja papularnyja jaho pieśni na YouTube majuć za miljard prahladaŭ.
Jaho papularnaść nastolki vialikaja, što «Drennamu Trusiku» davieryli być chedłajnieram Super Bowl 2026, finału turniru pa amierykanskamu futbołu, jaki maje samuju vialikuju teleaŭdytoryju, a chvilina rekłamy kaštuje miljony dalaraŭ.
-
Źmicier Bartosik praviadzie piesienna-aniekdatyčnaje padarožža «Na ruinach Vialikaha Kniastva…»
-
«Mnohija nie viedajuć, što my biełarusy». Muzyki ź Sierabranki zaśpiavali pa-francuzsku i stali zorkami
-
Žonka Kańje Uesta ŭ nadta śmiełym naradzie i mascy koški prahulałasia pa centry Tbilisi pad ručku z mužam FOTAFAKT
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary